گلدستہ

اقوال زریں

— اللہ ان لوگوں کو پسند نہیں کرتا جو متکبر اور بخیل ہیں۔ (قرآن)

— دو عادتیں بہت بری ہیں، ایک نہایت بخیل ہونا اور دوسرے بزدلی۔ (حدیث)

— جو عورت بلا وجہ طلاق مانگے اس پر جنت کی خوشبو حرام ہے۔ (حدیث)

— کبھی کبھی جرم معاف کرنا مجرم کو خطرناک بنادیتا ہے۔ (عثمان غنیؓ)

صدف اسماعیل۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سیوان

سبق آموز باتیں

— مظلوم کی بددعا سے بچو، اس لیے کہ وہ اللہ سے اپنا حق مانگتا ہے اور اللہ کسی صاحبِ حق کو محروم نہیں کرتا۔

— حق پر چلنے والا کبھی رسوا نہیں ہوتا، چاہے ساری دنیا اس کے خلاف ہو۔

— ظالم کبھی عزت نہیں پاتا چاہے اس کی پیشانی پر چاند نکل آئے۔

— زبان کو بند رکھنا بھی عبادت ہے۔

— وہ شخص اللہ کا دوست ہے جس میں سخاوت، محبت اور انکساری ہو۔

امینہ انیس۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سہسپور

عمل کی باتیں

— جو انسان انسانوں سے محبت نہیں کرتا وہ مصیبت میں تنہا رہ جاتا ہے۔

— دوسروں کی حوصلہ افزائی کرنا اپنی عظمت کی دلیل ہے۔

— اگر لوگوں کو اپنا ہم خیال بنانا چاہتے ہو تو ان سے محبت کرو۔

— اگر تم غلطی پر ہو تو پوری ہمت سے اعتراف کرلو اس سے عظمت ملے گی۔

— ہمیشہ مخاطب کی دلچسپی دیکھ کر گفتگو کرو۔

نبیلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی

حکمت کے پھول

— جو خود اپنی عظمت کے گیت گائے وہ عظیم نہیں ہوسکتا۔

— جب تک ہر آدمی اپنا فرض ادا کرنے پر توجہ نہ دے قوم ترقی نہیں کرسکتی۔

— زیادہ خوشحالی اور سخت بدحالی دونوں برائی کی طرف لے جاتی ہیں۔

— جو دوستوں کی غلطیوں پر عتاب کرے وہ دوستوں کو دشمن بنالے گا۔

— آمدنی سے زیادہ خرچ کرنے والے ہمیشہ محتاج رہتے ہیں۔

سعدیہ جمیل۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ارے ہلی

ہیرے موتی

— ایسی نیکی سے بچو جو کسی کو فائدہ تو نہ پہنچائے مگر کسی کا دل دکھادے۔

— بہترین سخاوت وہ ہے جو ضرورت اور استطاعت کے مطابق ہو۔

— نیکی کا اجر کبھی ضائع نہیں ہوتا۔

— حرام رزق سے بھوک بہتر ہے۔

— بھلائی کے سب سے زیادہ حق دار ہمارے قریبی لوگ ہیں۔

ریحان احمد۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مئو

اقوالِ ابوبکر صدیق ؓ

— مجھے نئے کپڑوں میں دفن نہ کیا جائے نئے لباس کے حق دار وہ ہیں جو زندہ اور لباس کے حاجت مند ہیں۔

— اس دن پر آنسو بہاؤ جس دن کو تم نے بغیر نیکی کے گزارا ہو۔

اقوالِ عمر فاروق ؓ

— دنیا تھوڑی لو تاکہ آزادانہ زندگی گزار سکو۔

— بہت زیادہ ہنسنا موت سے غفلت کی نشانی ہے۔

— عمل کی قوت اور اس کی تعریف یہ ہے کہ آج کا کام کل پر نہ ٹالا جائے۔

ندیٰ رحمان۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مرادآباد

فرمانِ رسولﷺ

— معذرت کا قبول نہ کرنے والا حوضِ کوثر سے محروم ہے۔ (طبرانی)

— جو شخص خداکی مخلوق پر رحم نہیں کرتا خدا بھی اس پر رحم نہیں کرتا۔ (بخاری و مسلم)

— جب اللہ کسی بندہ کو ہلاک کرنا چاہتا ہے تو اس سے حیا چھین لیتا ہے۔ (ابن ماجہ)

— بدخلق آدمی جنت میں داخل نہ ہوگا۔ (ابن ماجہ)

— دنیا کی تلخی آخرت کی شیرینی ہے اور دنیا کی شیرینی آخرت کی تلخی ہے۔

سمیہ قمر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہنگائی پور

مہکتی کلیاں

— زندگی صرف پانے کا نام نہیں،یہاں بہت کچھ کھونا بھی پڑتا ہے۔

— اگر کسی کام میں کامیاب ہونا چاہتے ہو تو اس کام کو اپنا مقصد بنالو۔

— کسی کے دل میں اپنے لیے جگہ بنانا چاہتے ہو تو اپنے اخلاق کو درست رکھو۔

— ہمیشہ کوشش کرتے رہو، کیونکہ مسلسل کوشش ناممکن کام کو بھی ممکن بنادیتی ہے۔

— دوسروں کی مدد کی امید پر زندہ رہنا چھوڑ دو بلکہ اپنی مدد آپ کرو۔

ثمینہ ابرار۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ

اقوالِ زریں

— علمی گفتگو سے سوچ کا دائرہ بڑھتا ہے۔

— مومن ریشم کی طرح نرم اور فولاد کی طرح سخت ہوتا ہے۔

— زندگی ایک پھول ہے اور محبت اس کی خوشبو۔

— جو آدمی جتنا زیادہ بولتا ہے، اتنا ہی کم عقل ہوتا ہے۔

— لفظ ایک جادو ہے جو بے محل استعمال سے پھیکا پڑجاتا ہے

فرحین کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پاتور

اقوالِ زریں

— آنکھ والا وہ ہے جو اپنے آپ کو دیکھے۔

— انتظار موت سے سخت ہے۔

— خود پسندی گناہِ کبیرہ ہے۔

— اطاعت کرنا تعظیم ہے۔

— دوستی ایک خود پیدا کردہ رشتہ ہے۔

شیریں کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پاتور

لطیفہ

استاد (عمران سے) بتاؤ سرد علاقوں میں گرمی نہ پڑنے سے وہاں رہنے والے لوگوں کو کیا نقصان ہے؟

عمران: ’’جناب انھیں گرمی کی چھٹیاں نہیں ملتی ہونگی۔‘‘

ریحان خان۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عمیر کھیڑ

شیئر کیجیے
Default image
شرکاء

Leave a Reply