گلدستہ

ِ رسولﷺ کی دعا
حضر انس رضی اللہ عنہ فرماتے ہیں کہ نبی ﷺ یہ دعا کرتے تھے: اے اللہ! میں تیری پناہ مانگتا ہوں پریشانی سے، رنج سے، کمزوری سے، سستی اور قرض کے بوجھ سے اور برے لوگوں کے غلبہ سے۔
نویرہ عائشہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دہلی
نسخۂ کیمیا
— نفرت نفرت سے نہیں محبت سے ختم ہوتی ہے۔
— جب تک کسی شخص سے بات چیت نہ ہو اسے حقیر نہ سمجھو۔
— اچھا انسان وہ ہے جو دوسروں کے جذبات کا خیال رکھے۔
— جن لوگوں کے خیالات اچھے ہوتے ہیں وہ کبھی تنہا نہیں ہوتے۔
— ہرناکامی کے بعد کامیابی حاصل ہوتی ہے شرط یہ ہے کہ ناکامی کے بعد مایوس نہ ہوا جائے۔
— وہ خوشی، خوشی نہیں ہوتی جو دوسروں کو دکھ دے کر حاصل ہو۔
مرضیہ شیما۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔لکھمینیاں
بہت کچھ ملے گا
— بڑوں کا ادب کرو ثواب ملے گا۔
— استاد کی عزت کرو علم ملے گا۔
— خدا کی اطاعت کرو جنت ملے گی۔
— انسانیت سے پیار کرو عزت ملے گی۔
— غریبوں سے محبت کرو عظمت ملے گی۔
نائلہانجم۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پداپلی
اقوال زریں
— انسانی وجود ایک چکی کے مانند ہے جس میں گیہوں پیسا جائے تو آٹا ہو، اور خالی چلائی جائے تو خود اس کا نقصان ہو۔
— کامیابی کا زینہ بہت سی ناکامیوں کی سیڑھیوں سے بنا ہوا ہے۔
— خدائے رازق ہر پرندے کو خوراک دیتا ہے، لیکن رزق ان کے گھونسلوں میں نہیں پھینکتا۔
— اگر تو گناہ پر آمادہ ہے تو ایسی جگہ تلاش کر جہاں خدا نہ ہو۔
— جانور اپنے مالک کو پہچانتا ہے مگر انسان خدا کو نہیں پہچانتا۔
شہاب زیدی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پونے
حکمت کی باتیں
— وقت روئی کے گالوں کی مانند ہے، عقل و حکمت کے چرخے میں کات کر اس کے قیمتی لباس بنالو ورنہ جہالت کی آندھیاں اسے اڑا کر کہیں کا کہیں پھینک دیں گی۔
— نیک دل انسان دشمنوں کے ساتھ بھی نیکی کرنے سے نہیں چوکتے۔
— صندل اس کلہاڑے کا منہ بھی خوشبودار کردیتا ہے جو اسے کاٹتا ہے۔
— بدبخت ہے وہ شخص جو خود تو مرجائے اور اس کا گناہ نہ مرے۔

عشرت پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شاہجہانپور

مشاہیر کے اقوال

— قناعت سب سے بڑی دولت ہے۔ (حضرت علیؓ)

— جب تجھے نیکی کرکے خوشی اور برائی کرکے پچھتاوا ہو تو تو مومن ہے۔ (محمدﷺ)

— دنیا کی سب سے بڑی بے عقلی غریبی ہے۔ (حضرت علیؓ)

— زبان کی لغزش قدموں کی لغزش سے زیادہ خطرناک ہوتی ہے۔ (حضرت عثمانؓ)

— جس چیز کا علم نہیں اسے مت کہو جس چیز کی ضرورت نہیں اس کی جستجو نہ کرو۔ (بقراط)

شیمی زاہد ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رامپور

اچھی باتیں

— زندگی ایک پھول اور علم اس کا شہد ہے۔

— اگر تمہیں زندگی سے محبت ہے تو وقت سے محبت کرو۔

— جنت ماں کے قدموں تلے ہے۔

— باپ جنت کادروازہ ہے۔

ناصرہ زیدی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بجنور

کام کی باتیں

— چینی کے برتنوں میں اگر دھبے پڑگئے ہوں تو سرکہ میں تھوڑا سا نمک ڈال کر صاف کریں، دھبے دور ہوجائیں گے۔

— کتے کے کاٹے پر پسی سرخ مرچیں بھردیں زہر نہیں پھیلے گا۔

— آلو پکانے سے پہلے دس منٹ تک نمک کے پانی میں رکھ دیں تو آلو ذائقے میں اچھے ہوں گے۔

— اگر شیشے کی کوئی چیز ٹوٹ جائے تو اس کے ٹکڑے روئی سے اٹھائیں۔

شبانہ ترنم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شاہدرہ، دہلی

روشنی

— راستوں کی ویرانی اور جلتی ہوئی دھوپ سے ڈرنے والے منزل تک نہیں پہنچ سکتے۔

— کوشش ہر بند دروازے کو کھول دیتی ہے اور ہر مشکل کو آسان کردیتی ہے۔

— علم پر عمل نہ کرنے والا ایسا بیمار ہے جس کے پاس دوا تو ہے لیکن علاج نہیں کرسکتا۔

— علم ایک ایسا پودا ہے جسے دل و دماغ کی سرزمین میں لگانے سے عقل کے پھول کھلتے ہیں۔

— علم اور عمل ساتھ ساتھ ہوں تو ترقی کی منزلیں جلد طے ہوجاتی ہیں۔

شیئر کیجیے
Default image
شرکاء

Leave a Reply