بچی کی دعا

الٰہی مجھے نیک بچی بنادے

میری عادتیں سب سے اچھی بنادے

میرے دل میں پیدا وہ خوف خدا ہو

جو دنیا کے ہر خوف سے ماسوا ہو

مجھے سب سے پیارے ہوں حضرت محمدؐ

ہو دل میں عقیدت عمل میں ہو سنت

صبح شام قرآن کو پڑھتی رہوں میں

عمل اس کی باتوں پہ کرتی رہوں میں

کروں کام کوئی تو پہلے یہ سوچوں

نبی نے کیا اس کو کس طرح دیکھوں

مجاہد بنوں میں، شہادت میں پاؤں

شہیدوں کے ہمراہ جنت کو جاؤں

پڑھائی لکھائی سے ہو مجھ کو الفت

سبھی ناچ گانوں سے ہو مجھ کو نفرت

میرے ابو امی کو عزت عطا کر

انہیں آخرت میں تُو جنت عطا کر

مری زندگی کا یہ مقصد ہو یا رب

تیرے دیں کی خدمت، تیرے دیں کی نصرت

شیئر کیجیے
Default image
سید حسن کمال ندوی

Leave a Reply