پسندیدہ اشعار

میدانِ امتحان سے گھبرا کے ہٹ نہ جانا

تکمیلِ زندگی ہے چوٹوں پہ چوٹ کھانا

مرسلہ۔۔۔۔۔۔۔۔۔۔۔۔۔۔۔۔۔۔۔اُمامہ، امیمہ، نارائین پیٹ

مفت میں قسمت کو اے غافل نہ تو بدنام کر

چاہتا ہے زندگی میں نام تو کچھ کام کر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔نہاں اقبال، جمشیدپور

عشق بڑھتا رہا سوئے دارورسن زخم کھاتا ہوا مسکراتا ہوا

راستہ روکتے روکتے تھک گئے زندگی کے بدلتے ہوئے زاویے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔ابنِ سمیہ، نارائن پیٹ

دل کے زخم دیکھے گا کون کس کو فرصت ہے، ہے گلہ بھی لاحاصل

زندگی اجیرن ہے موت بھی نہیں آتی، ڈس رہی ہے تنہائی

مرسلہ۔۔۔۔۔۔۔۔۔۔۔۔۔۔۔۔صبغۃ اللہ خاں، نارائن پیٹ

اک لفظ ’’زندگی‘‘ کو سمجھنے کے واسطے

گزری ہے میری عمر کتابوں کے درمیاں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔انوار فاطمہ، جمشید پور

جب زبان پر محمدؐ کا نام آگیا

دوستو! زندگی کا پیام آگیا

مرسلہ۔۔۔۔۔۔۔۔۔۔۔۔۔۔۔۔۔عائشہ صدیقہ، نینور، کرناٹک

زندگی اب ہماری خطا بخش دے

دوست ملنے لگے محسنوں کی طرح

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔صبیحہ کوثر، ارے ہلی

زندگی قہقہوں کا نام نہیں

آنسوؤں سے بھی رابطہ کیجیے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ساجدہ پروین، پوسد

زندگی قطرے کی، سکھلاتی ہے اسرارِ حیات

یہ کبھی گوہر، کبھی شبنم، کبھی آنسو، ہوا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سیدہ حنا کوثر، پوسد

اک مدت ساتھ رہ کر ایک پل میں روٹھ جائے

کس قدر تو بے وفا ہے، زندگی اے زندگی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔رونق نہاں، سرائے میر

مری زندگی کا مقصد ترے دیں کی سرفرازی

میں اسی لیے مسلماں، میں اسی لیے نمازی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔زیبا پروین، جمشید پور

یہ قدم قدم بلائیں، یہ سوادِ کوئے جاناں

وہ یہیں سے لوٹ جائے جسے زندگی ہو پیاری

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔امِّ عمار، نارائن پیٹ

زندگی بیچارگی ہے، عزم و ہمت کے بغیر

عزم و ہمت بھی ہے بے معنیٰ صداقت کے بغیر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آفتاب آرا

زندگی زندہ دلی کا نام ہے

مردہ دل کیا خاک جِیا کرتے ہیں

مرسلہ۔۔۔۔۔۔۔۔۔۔۔۔مہک عربیہ واجد خان ، بارسی ٹکلی

یہی ہے زندگی اپنی، یہی ہے بندگی اپنی

کہ ان کا نام آیا اور گردن جھک گئی اپنی

مرسلہ۔۔۔۔۔۔۔۔۔۔۔۔۔۔۔۔۔۔۔۔فضل الرحمن رشید، گلبرگہ

جب بھی دنیا قدر انسانی سے غافل ہوگئی

زندگی انسان کی نذر مسائل ہوگئی

مرسلہ ۔۔۔۔۔۔۔۔۔۔۔۔۔۔۔شائستہ جبیں،گرمٹکال ، گلبرگہ

شیئر کیجیے
Default image
Jamil Sarwer

Leave a Reply