مشکلوں سے ابھر گئے ہم لوگ
خود بگڑ کر سدھر گئے ہم لوگ
تیری یادوں نے پاؤں جکڑے ہیں
چلتے چلتے ٹھہر گئے ہم لوگ
جب بڑھی اپنے رب سے بے خوفی
اپنے سائے سے ڈر گئے ہم لوگ
کیا بتائیں وفا کی راہوں میں
گرد بن کر بکھر گئے ہم لوگ
تب بہاریں ہوئیں بہت حیراں
جب خزاں میں نکھر گئے ہم لوگ
ان کے در تک ہمیں پہنچنا تھا
خون میں تیر کر گئے ہم لوگ
ان کی چوکھٹ کو چھوڑ کر حافظ
کیا کسی اور در گئے ہم لوگ؟
مزید
جنتی تم، دوزخی ہم یہ کوئی انصاف ہے
ایک ہی پربھو کی پوجا ہم اگر کرتے نہیں ایک ہی درگاہ پر سر آپ بھی رکھتے نہیں اپنی سجدہ…غزل
میں بے ادب ہوا کہ وفا میں کمی ہوئی؟ ہونٹوں پہ کیوں ہے مہرِ خموشی لگی ہوئی؟ آنکھوں کی نیند،…
گرَین ماں
یا اللہ تونے مجھے کتنے بھاگ لگائے ہیں۔ کتنا سوہنا گھر ہے یہ۔ کتنا سجا ہوا ہے۔ ایسا ایسا سامان…
