جب ہم ……

٭ جب ہم اپنی زندگی دوسروں کے لیے گزارتے ہیںتوہماری اپنی زندگی میں کئی گنا اضافہ ہوجاتا ہے۔ ہم دوسروں کی زندگی کو جس قدر زیادہ محسوس کرتے ہیں خود ہماری زندگی کے سلسلے میں ہمارا احساس بہت بڑھ جاتا ہے۔
٭ جب ہم دوسروںکی شخصیت میں اچھے پہلو تلاش کرتے ہیںتوہمیں اتنی ساری اچھائیاں نظر آتی ہیںکہ پہلی نظر میں شاید وہ نہیںدکھائی دیتیں۔
٭ جب ہم دوسروںکو اپنی شفقت، اپنا اعتماد اور اپنا پیار دیتے ہیں تو اس وقت ہم اپنے آپ کو کس قدر سکون، اطمینان اور خوشی دے رہے ہوتے ہیں۔
٭ جب ہم لوگوں سے صرف اس لیے کٹ جاتے ہیں کہ ہمارے خیال میںہم ان سے زیادہ پاک روح، اچھے دل،کشادہ ظرف اور ذہین ہیں توایساکرکے ہم کوئی بڑا کام نہیںکرتے ہیں۔ یہ تو نہایت آسان اور بہت کم خرچ والا راستہ ہوتا ہے جسے ہم اختیارکرتے ہیں۔
٭ میں نے تجربات کی روشنی میں دریافت کیا کہ کوئی چیز اس لطیف روحانی مسرت کا بدل نہیں ہوسکتی جو ہمیں اس لمحے ملتی ہے جب ہم دوسروں کے دل میں سکون، خوشی، اعتماد اور امید جیسے جذبات جاگزیں کرنے میںکامیاب ہوجاتے ہیں۔