دیکھ لے گی خلق میری بے گناہی ایک دن
وقت خود دے گا ترے حق میں گواہی ایک دن
آنکھ سورج کو دکھاتا ہے چراغ کم عیار
منکشف ہوگی خود اس کی کم نگاہی ایک دن
کثرت زر ہے دلیل برتری تو دیکھنا
پارہ پارہ شیشہ دل کی تباہی ایک دن
کس لیے اندیشۂ فردا لیے پھرتے ہو تم
خود بھی ہوگا یہ نشاں ظل الٰہی ایک دن
ایک ہلکی سی ہوا میں اڑ گیا رخ سے نقاب
زاویہ بدلے گی اپنی کج کلاہی ایک دن
آگیا ہے جب محبت میں غم سود و زیاں
لوح دل پر پھیل جائے گی سیاہی ایک دن
مزید
غزل
میں بے ادب ہوا کہ وفا میں کمی ہوئی؟ ہونٹوں پہ کیوں ہے مہرِ خموشی لگی ہوئی؟ آنکھوں کی نیند،…
نعت رسول ﷺ
زندگی میں تو ہماری ہے تمنا اور کچھ ہم سے عشقِ مصطفی کا ہے تقاضا اور کچھ گرچہ ہوں ذکرِ…
’’بدل ڈالوں‘‘
یہ چاہتی ہوں زمین و زماں بدل ڈالوں صدائے حق سے فضائے جہاں بدل ڈالوں دلوں پہ غلبۂ تہذیب غیر…
