لطائف

ایک دن ایک ان پڑھ دیہاتی آدمی ملاَّ جی کے پاس آیا اور ان سے کہنے لگا کہ ملا جی یہ خط پڑھ کر سنا دیجیے۔ خط عربی میں تھا۔ ملا نے عذر پیش کیا کہ مجھے عربی نہیں آتی۔ بیچارا ان پڑھ دیہاتی یہ کیسے مان لیتا کہ اتنی بڑی پگڑی تو پہنے ہیں ملا اور خط نہیں پڑھ سکتے۔

وہ شخص کہنے لگا اتنی بڑی پگڑی تو سر پر ہے اور یہ چھوٹا خط نہیں پڑھ سکتے۔

ملاَّ نے فوراً سر کی پگڑی اتاری اور اس شخص کے سر پر رکھتے ہوئے کہنے لگے: اگر پگڑی سر پر رکھ کر خط پڑھا جاسکتا ہے تو لو اب تم خود ہی اس خط کو پڑھ لو۔

٭٭٭

ڈاکٹر نے اپنے مریض کو مشورہ دیا کہ اگر آپ بھیڑ بھاڑ اور ہنگاموں سے بچتے رہیں گے تو جلد اچھے ہوجائیں گے۔ یہ سن کر مریض نے کہا: لیکن ڈاکٹر صاحب میں اپنے دھندے سے مجبور ہوں۔ ڈاکٹر نے پوچھا: آپ کا کیادھندا ہے؟ مریض نے جواب دیا: میں پاکٹ مار ہوں۔

٭٭٭

ایک آدمی بازار میں چلاتا جارہا تھا۔ چل گئی، چل گئی، ارے چل گئی۔ یہ سن کر بازار جلدی جلدی بند ہونے لگا۔ لوگ یہ سمجھ رہی تھے کہ گولی چل گئی ہے۔ ایک آدمی نے اسے روک کر پوچھا: بھئی کیا چل گئی ہے؟

اس نے جواب دیا: ’’میری کھوٹی اٹھنی چل گئی۔‘‘

٭٭٭

ایک سیٹھ جی نے ہوٹل میں پہنچ کر بیرے سے پوچھا: کھانے کا کیا حساب ہے؟

بیرے نے کہا: تین روپے میں بھر پیٹ کھانا۔یہ سن کر سیٹھ جی نے کہا: مجھے روٹی اور سبزی کا دام الگ الگ بتاؤ۔ بیرے نے کہا: روٹی پچاس پیسے کی اور سبزی اس کے ساتھ فری دی جائے گی۔ جس کے پیسے نہیں لیے جاتے۔ سیٹھ فوراً بولے :

’’تو پھر خالی سبزی ہی لے آؤ۔‘‘

٭٭٭

جیومٹری کے استاد نے طلبہ سے کہا: آج ہم آپ کو مربع بنانا سکھائیں گے۔

ایک شاگرد نے پوچھا: ’’سرچٹنی بنانا کب سکھائیں گے؟‘‘

٭٭٭

ایک آدمی نے آم والے سے پوچھا: کیا لنگڑے آم ہیں؟

آم والے نے کہا: ’’ہاں، اسی لیے تو سر پر اٹھائے پھر رہا ہوں۔

٭٭٭

مالک نے دیہاتی نوکر سے کہا: ’’ریڈیو بند کردو۔‘‘

وہ بے چارہ پوچھنے لگا: ’’صاحب بیگ میں یا صندوق میں۔‘‘

٭٭٭

ایک آدمی نے دوسرے سے پوچھا: کیا آپ انگریزی سمجھتے ہیں؟