پسندیدہ اشعار

گرم ہے حسن کا بازار، خدا خیر کرے

مست ہیں کافر و دیں دار خدا خیر کرے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔نازیہ امین، سمستی پور

صبر کرنا سخت مشکل ہے، تڑپنا سہل ہے

اپنے بس کا کا کام کرلیتا ہوں آساں دیکھ کر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔وحیدہ رحمان، موراواں

’’زمانہ آگے بڑھتا جارہا ہے‘‘

بشر چاروں طرف چلا رہا ہے

یہ مانا ہے یہ انسانوں کی دنیا

مگر جنگل نظر میں آرہا ہے

مرسلہ۔۔۔۔۔۔۔۔۔۔۔۔۔۔۔۔۔۔۔راشدہ منیر، بدایوں

انساں کو جو سکون و دل و جاں نہ دے سکے

وہ ارتقاء کس بھی مرض کی دوا نہیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گلشن، سہارنپور

یارو تم نے بستی بستی انسانوں کی بھیڑ تو دیکھی

دیکھ سکو تو یہ بھی دیکھو ہر انسان ہے کتنا تنہا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔منصور اعظم، بڑھریا

قبروں پر جب میلے دیکھے تب یہ بات سمجھ میں آئی

بن جاتے ہیں ناداں انساں کس آسانی سے چوپائے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عائشہ، نئی دہلی

نیا انسان مال و زر کے بدلے

متاع دین و دانش بیچتا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واصف اقبال، بیدر

میرے نزدیک حقیقت میں وہی ہے انساں

پرسش حال کو جو غم زدوں تک پہنچے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔منیرہ سعید، واشم

حسن اور عشق نہ ہو تو یہ جہاں بے رونق

درد جس دل میں نہ ہو دل نہیں انسانوں کا

مرسلہ۔۔۔۔۔۔۔۔۔۔۔۔۔۔۔صبغت اللہ خان، نارائن پیٹ

دشواریاں اس کو ملتی ہیں جو کام کا انساں ہوتا ہے

وہ پھول ہی توڑا جاتا ہے جو زیب گلستاں ہوتا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ام عمار، نارائن پیٹ

خدا کو بھول کر انسان کے دل کا یہ عالم ہے

یہ آئینہ اگر صورت نما ہوتا تو کیا ہوتا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔رونق نہاں، اعظم گڑھ

تقریر سے ممکن ہے نہ تحریر سے ممکن

وہ کام جو انسان کا کردار کرے ہے

مرسلہ۔۔۔۔۔۔۔۔۔۔۔۔۔۔مومنہ مصباح صالحاتی رامپوری

رہ گئی حیوانیت مرگئی انسانیت

زن میں ہے مردانگی، مرد میں نسوانیت

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سیدہ حنا کوثر، پوسد

سہما سہما سا انسان ہے

زندگی جیسے ویران ہے

مرسلہ۔۔۔۔۔۔۔۔۔۔۔۔۔۔۔۔۔۔زید ادریسی،ماہو ننگلی بجنور

خدا کا شکر ہے روزی خدا کے ہاتھ ہے صوفیؔ

اگر یہ حق بھی انسان کو ملا ہوتا تو کیا ہوتا؟

مرسلہ۔۔۔۔۔۔۔۔۔۔۔۔۔۔۔۔۔۔۔۔۔ناہید بانو، شاہ پور بگھونی

انسان وہ ہے جس میں ہو علم کی تجلّی

حیواں کو کبھی علم ملا ہو تو بتادو

مرسلہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ صالحہ امام، نالندہ