پسندیدہ اشعار

لازم ہے دل کے پاس رہے پاسبانِ عقل

لیکن کبھی کبھی اسے تنہا بھی چھوڑ دے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شیما ریاض، مرادآباد

کاٹئے دن زندگی کے ان یگانوں کی طرح

رہتے ہیں چوکس جو ہر دم پاسبانوں کی طرح

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واصیہ رحیم، بنارس

اہل خانہ چاگتے رہنا حفاظت کے لیے

کررہے ہیں چور گھر کے پاسباں سے ساز باز

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔انجم درخشاں، ہری ہر

نزہتیں بھی کرتی ہیں سرو و گل کی رکھوالی

خار ہی گلستاں کے پاسباں نہیں ہوتے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عافیہ رحیم، بنارس

ہے عیاں یورشِ تارتار کے افسانے سے!

پاسباں مل گئے کعبے کو صنم خانے سے

مرسلہ۔۔۔۔۔۔۔۔۔۔۔۔۔۔۔۔۔۔۔۔کفایت اللہ وانی، پلوامہ

اس کی گلی کے سگ سے کی ہے موافقت کہ

اس راہ سے بھی پہنچیں شاید کے پاسباں تک

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔محمد انور انجم، اسلام پورہ

خوشی کو آنے دیتی ہے نہ غم کو جانے دیتی ہے

درِ دل پر کسی کی یاد بیٹھی پاسباں ہوکر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نیرہ جمال، چاند پور

چمن کی سمت بڑھے آرہے ہیں شعلہ و شر

کہاں ہے، روک انہیں پاسبان شام و سحر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد صحبت خاں کوہاٹی

پاسباں غیر جس مکاں کا ہو

اس کا انجام سوچتا ہوں میں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔راحیلہ، بیگو سرائے

انہیں راتوں پہ اکثر چاند تارے فخر کرتے ہیں

ہمارے عہدِ ماضی کی رہیں جو پاسباں راتیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔امینہ نور، نو گاؤں

ڈھائی جائے گی بنا یورپ کے استعمار کی

ایشیا آپ اپنے حق کا پاسباں ہوجائے گا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالد محمود، راجوری

ابھی تو دور سے رخ دیکھتا ہوں

کبھی باتیں بھی ہوں گی پاسباں سے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔میمونہ، لاتور

دور تھی منزل، امیر کارواں رخصت ہوا

اب خدا کا آسرا ہے، پاسباں رخصت ہوا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مظہرعلی، مئوناتھ بھنجن

وہی آدمی ہوا تھا جو مرا رقیب اب وہ

مرے دل کا پاسباں ہے مرے دل کا رازداں ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سجاد شاہد، رستم پور

ہم لاالہ کے پاسباں، فولاد کی شمشیر ہیں

جو مٹ نہیں سکتے کبھی وہ لفظ ہیں، تحریر ہیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔منیرہ عاصم، پونہ

فغاں کہ اہلِ حرم ہوگئے تہی احساس

یہ روز روز میرے پاسباں بدلتے ہیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالدہ رحمن، ممبئی

نیکی کی تم تصویر ہو، عفت کی تم تقدیر ہو

ہو دین کی تم پاسباں ایماں سلامت تم سے ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔امجد علی، سہارنپور