پسندیدہ اشعار

کیف پیدا کر سمندر کی طرح

وسعتیں، خاموشیاں، گہرائیاں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ملاَّ فراست فصیح، ہبلی

کہہ رہا ہے شورِ دریا سے سمندر کا سکوت

جس میں جتنا ظرف ہے اتنا ہی وہ خاموش ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ملاَّ بصیرت بازغہ، ہبلی

سمندر کانپ جاتا ہے مری کشتی کی جرأت پر

کبھی گرداب سے الجھی، کبھی ساحل سے ٹکرائی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔مقیت الرحمن، ایوت محل

تالاب تو برسات میں ہوجاتے ہیں کم ظرف

باہر کبھی آپے سے سمندر نہیں ہوتا

مرسلہ۔۔۔۔۔۔۔۔۔۔۔۔۔۔۔۔۔۔۔۔احسان الرحمن، ایوت محل

وہی ہے صاحبِ امروز جس نے اپنی ہمت سے

زمانے کے سمندر سے نکالا ہے گوہرِ فردا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ولیہ رحمن، ناگپور

گرتے ہیں سمندر میں بڑے شوق سے دریا

لیکن کسی دریا میں سمندر نہیں گرتا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔نوشاد انجم، بھدراوتی

سمندروں پہ برس کر نکل گئے بادل

پھر آج جان کے رستہ بدل گئے بادل

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نائلہ فرید، ہبلی

ساحل پہ تھے تو کتنے ہی گوہر نظر میں تھے

ہم غوطہ زن ہوئے تو سمندر میں کچھ نہ تھا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد محسن خیال، ہلدور

گردابِ اضطراب تھا یا ایک موجِ درد

اس کے علاوہ دل کے سمندر میں کچھ نہ تھا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نشاں خاتون، مرینہ

یہاں کچھ آشنا سی بستیاں تھیں

جزیروں کو سمندر کھا گئے کیا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محسنہ انیس، بھاگلپور

صدیوں سے سفر میں ہے سمندر

ساحل پہ تھکن پٹک رہا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔مدحت رحمن، مرادآباد

ازل سے بے سمت جستجو کا سفر ہے درپیش پانیوں کو

کسے خبر کس کو ڈھونڈتا ہے مری طرح رائیگاں سمندر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ذکی انور، میرٹھ

میں سمندر سے پلٹ آیا ہوں لے کر خشک ہونٹ

کوئی رکھے تو وقارِ تشنگی میری طرح

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سحر سلطانہ، مئو

کون کہتا ہے کہ موت آئی تو مرجاؤں گا!

میں تو دریا ہوں سمندر میں اتر جاؤں گا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔اعجاز علی مغل،حسن پور

برہم بس اس خطا پہ امیرانِ شہر ہیں

ان جوہڑوں کو میں نے سمندر نہیں کہا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔واجد رحیم، اورنگ آباد

بہتے دریاؤں میں بے سود ہے گوہر کی تلاش

اب صدف دل کے سمندر سے نکالا جائے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نزہت فاطمہ، بریلی

یہ ہواؤں کے مسافر، یہ سمندروں کے راہی

مرے سربکف مجاہد مرے صف شکن سپاہی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ریحان انور، ورنگل