پسندیدہ اشعار

سمندر کانپ جاتا ہے مری کشتی کی جرأت پر

کبھی گرداب سے الجھی، کبھی ساحل سے ٹکرائی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مطیع الرحمن، ایوت محل

کیف پیدا کر سمندر کی طرح

وسعتیں، خاموشیاں، گہرائیاں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔طاہرہ تسنیم

کہہ رہا ہے شور دریا سے سمندر کا سکوت

جس میں جتنا ظرف ہے اتنا ہی وہ خاموش ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مبشرہ خاتون، ارے ہلی

کروں تلاش جواہر توریت ہاتھ آئے

سمندروں کا چلن بھی سراب جیسا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نہال احمد، دھنباد

مٹی کا سمندر بھی کبھی دیکھا ہے تم نے

کل رات بھی اک شخص سنا ڈوب گیا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ساجدہ انیس، دہلی

درد کا کوہِ گراں دکھ کا سمندر رکھنا

وقت کیسا بھی رہے عزمِ فزوں تر رکھنا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واصفہ اقبال، نالندہ

ہمیشہ دشمنِ جاں سے بھی مسکرا کے ملے!!!

کشادہ دل رہے فارغؔ سمندروں کی طرح

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ترنم جمال، رائچور

پاسِ ناموسِ وفا کا ہے تقاضا کہ ذکیؔ

آنکھ میں بوند نہ ہو، دل میں سمندر رکھنا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عظمیٰ نشاط، اورنگ آباد

دل تو کب کا راکھ ہوا ہے، اب تو اس میں خاک نہیں

ان جلتی آنکھوں میں کہاں سے سات سمندر آئے ہیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔زاہدہ فیصل، کپواڑہ

کسی کی آنکھ میں میں نے سمندر ڈولتا دیکھا

ہر اک قطرے کو خود اس کی زباں میں بولتا دیکھا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔میمونہ خانم، پونہ

یہ بات ظرف کی ہے مگر کس سے کیجیے

قطرہ بھی آج کل ہے سمندر بنا ہوا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فرزانہ امین، سہسپور

سوچ میں ڈوبے سخنور کی طرح خاموش ہوں

یعنی اک گہرے سمندر کی طرح خاموش ہوں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مرتضیٰ علی، لکھنؤ

سارے دریاؤں کا پانی تو سمندر پی گیا

اب اٹھائے گی زمیں پیاسی یہ صدمے ریت کے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خلیل احمد، بیدر

موجیں دھکیلتی ہیں مجھے خشکیوں کی سمت

یوں تو سمندروں میں ہوں ساحل کی زد میں ہوں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فاروق عالم، ارریہ

روتے ہو اک جزیرئہ جاں کو فرازؔ تم

دیکھو کتنے شہر سمندر کے ہوگئے

سات سمندر پار سفر پر جانا ایک قیامت ہے

جیسے ہر چہرے پہ لکھا ہو میرے لیے کیا لائے گا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ناصرہ فرحین، اجین