پسندیدہ اشعار

عقابی شان سے جھپٹے تھے جو بے بال و پر نکلے!

ستارے شام کے خونِ شفق میں ڈوب کر نکلے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ناصرہ کلیم، مدکھیڑ

شفق بجھی تو ستاروں نے روشنی پائی

کسی کی موت کسی کی حیات بنتی ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حامد اصغر، علی گنج

کانپتا پھرتا ہے کیا رنگِ شفق کہسار پر

خوشنما لگتا ہے یہ غازہ ترے رخسار پر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ترنم نیاز، کانپور

شفق، دھنک، مہتاب، گھٹائیں، تارے، نغمے، بجلی، پھول

اس دامن میں کیا کیا کچھ ہے دامن ہاتھ میں آئے تو

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نکہت جمال، پونے

رخسار سرخ زلفِ سیہ فام کے تلے

پھیلی ہے ایک طرفہ شفق شام کے تلے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالد وحید، رامپور

جہاں پر آسماں کی سرحدیں دھرتی سے ملتی ہیں

شفق بن کر شہیدانِ وطن کا خون دمکتا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بشریٰ خلیل، ہری ہر

پہنا دیا شفق نے سونے کے جیسا زیور

سورج نے اپنے گہنے چاندی کے سب اتارے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔رضیہ جمال، پونے

آئی نظر افق پہ شفق سی کھلی ہوئی

دیکھا تو پڑ رہی تھی وہاں خون کی پھوار

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نہال اختر، کریم نگر

شفق کے چہرے پہ کس کے خوں کی دھنک رچی ہے

زمیں کی پستی میں دیکھے سورج کبھی اتر کے!

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مہ جبیں، دہلی

وادیٔ کہسار میں غرقِ شفق ہے سحاب

لعلِ بدخشاں کے ڈھیر چھور گیا آفتاب

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔صفیہ اقبال، برہان پور

بکھری ہوئی ہیں عام تبسم کی بجلیاں

رنگِ شفق نہ دیکھ شراروں پہ مسکرا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔انیسہ شمیم، ہاسن

حسرتوں کی چاندنی، غم کی شفق، یادوں کی لو

ایک ہی تصویر میں وہ رنگ کتنے بھر گیا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالد محمود، آسن سول

تاریکیاں محیط ہیں اوجِ خیال پر

شامِ شفق میں نورِ سحر دیکھتا ہوں میں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔معین اختر، کوروائی

رنگِ شفق سے آگ شگوفوں میں لگ گئی

ساغرؔ ہمارے ہاتھ سے چھلکا تو رو دیے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نبیلہ کوثر، دہلی

شفق لہو میں نہائی، سحر اداس ہوئی

کلی نے جان گنوادی شگفتگی کے لیے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سید علی مبشر، پسرور

سیلِ شفق میں شام کا سورج تھا دیدنی

جیسے لہو کی نہر میں سر تیرتا ہوا!

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سجاد النبی شاہد، پسرور