پسندیدہ اشعار

اٹھو جوانو قوم کے یہ وقت کا پیام ہے
بدل دو نظامِ زندگی یہی تمہارا کام ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مومنہ مشتاق، یادگیر
چاند کا کردار اپنایا ہے ہم نے دوستو
داغ اپنے پاس رکھے روشنی بانٹا کیے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ولیہ اختر، نئی دہلی
دنیا کو ہے پھر معرکۂ روح و بدن پیش
تہذیب نے پھر اپنے درندوں کو ابھارا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وصی اختر، بلاس پور
مسلماں اے اسیر غم مسلماں
پلٹ جا جانب مرکز پلٹ جا
زمانہ ہے کہ آگے بڑھ رہا ہے
تو چودہ سو برس پیچھے پہنچ جا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ارم جہاں، رام پور
حیات پوچھ رہی تھی سکوں کا مفہوم
تڑپ کے دل نے ترے درد کی قسم کھائی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عبدالرحمن، اردھا پور
یوں تو کہنے کو بشر ہیں کتنے
اہل کردار مگر ہیں کتنے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ریحانہ ناز، ادگیر
دیکھ کر انسان پر انسان کے ظلم و ستم
جی میں آتا ہے کہ محروم نظر ہوجائیے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔انجم کمال فردوسی، ارریہ
کیسے قیام امن ہو ممکن یہاں حضور
ہے منتظر ہر ایک شکاری مچان میں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فیروز شاہ، عثمان آباد
لرز رہی ہے فضا عالم محبت کی
کچھ اس طرح نگہ یار شرمسار ہے آج
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نیاز احمد، گھورکپور
اس سے ذہنوں کی بلندی کا پتہ چلتا ہے
نام ذروں کے تم اپنے مہ و اختر رکھنا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نیلو فر اختر، چاندپور
حیا نہیں ہے زمانے کی آنکھ میں باقی
خدا کرے کہ جوانی تری رہے بے داغ
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عافیہ احمد، پانی پت
روشنی بن کے زمانے میں اجالا کردو
بند کمروں میں نہ تم بیٹھو اندھیروں کی طرح
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔محمد فیصل مصدق، انجن گاؤں
جادہ جادہ چھوڑ جاؤ اپنی یادوں کے نقوش
آنے والے قافلوں کے رہنما بن کر چلو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مرزا نہال اختر، مدھوبنی
وہ سامنے جو ستارے دکھائی دیتے ہیں
نئے سحر کے اشارے دکھائی دیتے ہیں
سمندروں کے تلاطم سے خوف مت کھاؤ
یہیں سے ہم کو کنارے دکھائی دیتے ہیں
مرسلہ۔۔۔۔۔۔۔۔۔۔۔۔۔حمیرا وجاہت عبدالصادق، انجن گاؤں
چاندنی، شبنم، شفق، نکہت، تجلی، کہکشاں
سب ہوئے یکجا تو اس کا نام اردو ہوگیا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ملا فراست فصیح، ہبلی
سورج ہوں زندگی کی رمق چھوڑ جاؤں گا
میں ڈوب بھی گیا تو شفق چھوڑ جاؤں گا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نشاط انجم، مرادآباد