پسندیدہ اشعار

جس میں نہ ہو انقلاب موت ہے وہ زندگی
روحِ امم کی حیات کشمکش انقلاب
مرسلہ۔۔۔۔۔۔۔۔۔۔۔۔۔۔۔۔۔۔ملا فراست فصیح، ہبلی (کرناٹک)
وہ بھی کیا دن تھے کہ دوڑاتے تھے گھوڑے بحر میں
اب تو پتہ بھی کھڑکتا ہے تو ڈر جاتے ہیں لوگ
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نمرہ سعید، ارے ہلی
ابھی دیکھتے کیا ہو اے ہم نشینو!
ابھی آئیں گے امتحاں کیسے کیسے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔ارم آفرین، ماہوننگلی، نہٹور
لوگ اس کو خراب کہتے ہیں
وقت جس کا خراب ہوتا ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔حنا ادریس، ماہوننگلی، نہٹور
میرے بازوؤں سے اٹھی جو بوے مشک عمیر
کئی دوست کچھ نہ سمجھے کئی دوست مسکرائے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عبدالعظیم خان، علیگڑھ
کانٹوں میں جو کھلتا ہے شعلوں میں جو پلتا ہے
وہ پھول ہی گلشن کی تاریخ بدلتا ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سید ابوالحسن، بلڈانہ
کچھ اور بچھا جائے کوئی راہ میں کانٹے
کانٹے جو چبھیں گے تو قدم اور بڑھیں گے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔احسان الرحمن،ایوت محل
اک تبسم سا لبِ تقدیر پر رخشندہ ہے
ایک چنگاری ضمیر حق میں پھر تابندہ ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مبشرہ جمال، حیدرآباد
ناطق ہیں صرف اتنی ہی دنیا کی راحتیں
کچھ دیر جیسے ابر کے سائے میں سولیے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وسیم احمد اعظمی، دہلی
واعظ بھی آرام طلب ہیں قائد بھی آرام طلب
راہ مری تو مشکل ہے ہاں راہ نمائی ہوتی ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فیض الرحمن، میرٹھ
کیا بات ہے کہ ہستی مٹتی نہیں ہماری
صدیوں رہا ہے دشمن دورِ زماں ہمارا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نیاز احمد، نور نگر
وہی جواں ہے قبیلے کی آنکھ کا تارا
شباب جس کا ہے بے داغ ضرب ہے کاری
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نائلہ اقبال، فرخ آباد
ہوا ہے گو تند و تیز لیکن چراغ اپنا جلارہا ہے
وہ مردِ درویش جس کو حق نے دئے ہیں اندازِ خسروانہ
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ولیہ اختر، فیض پور
جب کسی اہلِ نظر نے کہیں آنکھیں کھولیں
بجلیاں ٹوٹ پڑیں وقت کے اندھیاروں پر
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نعیم الرحمن، میرٹھ
دنیا کو ہے اس مہدی برحق کی ضرورت
ہو جسکی نگہ زلزلۂ عالم افکار
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ماریہ تسنیم، رامپور
خدا نصیب کرے ہند کے اماموں کو
وہ سجدہ جس میں ہے ملت کی زندگی کا پیام
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عافیہ تسنیم، رامپور
وقت کرتا ہے پرورش برسوں
حادثہ ایک دم نہیں ہوتا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وحیدہ جمال، حیدرآباد
آج خود اپنی غرض سے اس کے گھر جاتا ہوں میں
کل بلاتا رہ گیا مجھ کو محبت سے کوئی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نثار مرزا، احمد آباد