پسندیدہ اشعار

سوائے ترے کوئی موضوعِ گفتگو ہی نہیں
عجیب حال ہے ترکِ تعلقات کے بعد
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وسیم احمد خان
غریبی توڑ دیتی ہے جو رشتہ پاس ہوتا ہے
پرائے اپنے ہوتے ہیں جو پیسہ پاس ہوتا ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سید شبانہ اعظمی
ہوا ہو تیز تو شاخوں سے پتے ٹوٹ جاتے ہیں
ذرا سی دیر میں برسوں کے رشتے ٹوٹ جاتے ہیں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جمال احمد خاں
اس نہج پر مجھے آتے ہوئے اک عمر لگی
لوگ بن جاتے ہیں پل بھر میں سخنور کیسے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عبدالحق غم
قلم کے ساتھ زباں بھی تراش لو میری
یہ امتحاں کبھی لے لو میری صداقت کا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایم اے قمر ناز
تعلیم لڑکیوں کی ضروری تو ہے مگر
خاتون خانہ ہو وہ سبھا کی پری نہ ہو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عرفان احمد اکیلا
دشت تو دشت ہے دریا بھی نہ چھوڑے ہم نے
بحرِ ظلمات میں دوڑا دیے گھوڑے ہم نے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد ارشاد عالم
مثلِ پروانہ تم اک پل میں نہ جلنا سیکھو
تا سحر شمع کی مانند پگھلنا سیکھو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد نہال راہی
میں تو سمجھ رہا تھا کہ مجھ پر ہے مہرباں
دیوار کی یہ چھاؤں تو سورج کے ساتھ تھی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ راشدہ جبیں
آیا ہی تھا ابھی میرے لب پر وفا کا نام
کچھ دوستوں نے ہاتھ میں پتھر اٹھالیے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔رضوانہ کمال
ہے دل کی دھڑکنوں میں شامل پیام تیرا
جو روح سن رہی ہے وہ ہے کلام تیرا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عمران حسین
کسی سے راز مت کہنا اگر رہنا ہو دنیا میں
ہے دنیا ایک نقارہ ہمیں بدنام کردے گی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یوسف خان
نہ جانے کیا کہا تھا ڈوبنے والوں نے لہروں سے
وہ لہریں آج بھی ساحل پہ اپنا سر پٹکتی ہیں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حمیدہ اکمل
لائی نہ ایسے ویسوں کو خاطر میں آج تک
اونچی ہے کس قدر تیری نیچی نگاہ بھی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالدہ وحید
وہ اشک بن کے مرے چشم تر میں رہتا ہے
عجیب شخص ہے پانی کے گھر میں رہتا ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جیلانی خان
اشک آنکھوں میں نہیں دل میں چھپانا سیکھو
دل کی آغوش میں زخموں کو سلانا سیکھو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد فرقان