پسندیدہ اشعار

نہ تڑپنے کی اجازت ہے، نہ فریاد کی ہے
گھٹ کے مرجاؤں یہ مرضی مرے صیاد کی ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔نائلہ فرید، اورنگ آباد
فکر دنیا میں سر کھپاتا ہوں
میں کہاں اور یہ وبال کہاں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وحیدہ رحمن، بلاری
تہذیب کے موتی بھی آنچل پہ سجا رکھنا
پہلو میں دلِ مخلص، آنکھوں میں حیا رکھنا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔مدحت رحمن، مرادآباد
رکھنا ذرا سنبھال کے خود کو اے میرے دوست
ہمت بھی ٹوٹ جاتی ہے دل ٹوٹنے کے بعد
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نذیر احمد، بیدر
جو ہوسکے تو شکایت نہ کر زمانے کی
جو ہوسکے تو کوئی انقلاب پیدا کر
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالدہ تنویر، اناؤ
چہرہ بے پردہ ہے اور افشاں جبیں تابندہ ہے
قوم کی بیٹی سے روح فاطمہ شرمندہ ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔افروز جہاں، کانٹھ
ہلکا سا تبسم لبِ خاموش پہ لا کر
بھیگی ہوئی پلکوں کو چھپانا بھی ہنر ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محسنہ امین، سہسپور
جب تک ہم مصروف رہے یہ دنیا تھی سنسان
دن ڈھلتے ہی دھیان میں آئے کیسے کیسے لوگ
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ولیہ اختر، نئی دہلی
وقت کے ہمراہ چل، ہشیار ہو اے ناسمجھ
دور ہے منزل تری، اٹھ جا بہانہ چھوڑ دے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔ عادل شعیب، وزیرآباد
پہلے خود اپنے پھٹے دامن کو دیکھ
پھر الجھنا مجھ گریباں چاک سے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عثمان عادل، نرودہ
تم شوق سے کالج میں پڑھو، پارک میں گھومو
جائز ہے غباروں میں اڑو، چرخ کو چھولو
بس ایک سخنِ بندئہ عاجز کا رہے یاد
اللہ کو اور اس کی حقیقت کو نہ بھولو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حمیرا ناصر مرزا، آکولہ
ماں مجھے دیکھ کے ناراض نہ ہوجائے کہیں
سر پر آنچل نہیں ہوتا ہے تو ڈر لگتا ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بنتِ حسامی
تنہا نہ چل سکیں گے محبت کی راہ میں
میں چل رہا ہوں آپ مرے ساتھ آئیے
مرسلہ۔۔۔۔۔۔۔۔۔۔۔۔۔۔۔۔۔۔ عارف علی انصاری،خیرآباد
اے قوم مسلماں تجھے کیوں ہوش نہ آیا
گرتی ہوئی مسجد کو کہاں تو نے بچایا
آنکھوں کے سامنے ہے گجرات کی مثال
افسوس کہ دل میں بھی ترے خوف نہ آیا
مرسلہ۔۔۔۔۔۔۔۔۔۔۔۔۔۔۔۔۔۔۔سحر بانو،شمشیر پورہ پی راجہ