گلدستہ

حدیث

رسول اللہ ﷺ نے ارشاد فرمایا: وہ زمانہ آرہا ہے کہ دنیا کی قومیں تم پر اس طرح ٹوٹ پڑیں گی جس طرح بھوکے دسترخوان پر گرتے ہیں۔

صحابہ کرامؓ نے عرض کیا: یا رسول اللہ کیا اس زمانے میں ہم مسلمان تعداد میں کم ہوں گے؟

حضورؐ نے فرمایا: ’’نہیں تم ان دنوں بہت زیادہ تعداد میں ہوگے۔ لیکن تمہارے حالت ایسی ہوجائے گی، جیسے سیلاب کے پانی کی سطح پر جھاگ اور خس و خاشاک ہوتا ہے۔ اللہ تعالیٰ دشمنوں کے دلوں سے تمہارا رعب اٹھا دے گا اور تمہارے دلوں میں کمزوری ڈال دے گا۔

ایک صحابی نے عرض کیا: ’’یا رسول ؐ! وہ کمزوری کیسی ہوگی؟‘‘

حضورﷺ نے فرمایا: ’’دنیا کی محبت اور موت سے کراہیت۔‘‘

بزرگوں کے اقوال

— وقت کو پیچھے سے مت پکڑو اسے آگے سے روک کر اس پر قابو پانے کی کوششیں کرو۔ (امام غزالیؒ)

— ہر چیز کا ایک حسن ہے۔ اورنیکی کا حسن یہ ہے کہ فوراً کی جائے۔ (حضرت عمرؓ)

— مصائب کا مقابلہ صبر سے اورنعمتوں کی حفاظت شکر سے کرو۔ (حضرت علیؓ)

— جس کے پاس عقل نہیں اس کے پاس ادب نہیں، جس کے پاس ہمت نہیں اس کے پاس کامیابی نہیں۔اور جس کے پاس دین نہیں اس کے پاس حیا نہیں۔ (امام حسینؓ)

— گناہ ناسور ہے اگر ترک نہ کرو تو برابر بڑھتا رہے گا۔ (امام جعفر صادقؒ)

ثمرین فردوس۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کالی دولت خان

جاہل کی علامتیں

— اگر اس کے ساتھی بنوگے تو تم کو رنج پہنچے گا۔

— اگر اس سے الگ رہو گے تو تم کو برا بھلا کہے گا۔

— اگر کوئی چیز تم کو دے گا تو احسان جتائے گا۔

— اگر تم اس کو کچھ دو گے تو ناشکری کرے گا۔

— اگر غمگین ہوگا تو ناامید ہوجائے گا۔

— اگر مالدار ہوجائے گا تو مغرور ہوجائے گا۔

ثمینہ ابرار۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ

خانہ کعبہ

— خانہ کعبہ میں حجرِ اسود مشرق کی سمت ہے۔

— خانہ کعبہ کا طوف حجرِ اسود سے شروع ہوتا ہے۔

— خانہ کعبہ کی تعمیر حضرت ابراہیم علیہ السلام نے کی۔

— خانہ کعبہ کی بلندی ۵۴؍فٹ ۱۹؍انچ ہے۔

— خانہ کعبہ کے غلاف کی لمبائی ۵۴؍میٹر ہے۔ اس کو ہر سال تبدیل کیا جاتا ہے۔

— خانہ کعبہ کے غلاف میں ایک من (۴۰ کلوگرام) سے زیادہ سونے کے تار کا استعمال کیا جاتا ہے۔

— خانہ کعبہ کا غلاف پورے ایک سال میں تیار کیا جاتا ہے۔

سیدہ بشریٰ خورشید۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معلومات

— براعظم ایشیا زمین کی ۵ء۲۹ فیصد خشکی پر مشتمل ہے جس میں سب سے اونچی سطح ایوریسٹ اور سب سے نچلی سطح بحر مرگ ہے۔

— دنیا کی دوسری سب سے بڑی جھیل سپرئیر یوایس اے کنیڈا ہے، جس کا رقبہ ۸۲۸۱۴ مربع کلو میٹر ہے۔

— Tugelaآبشار دنیا کا دوسرا سب سے بڑا جھرنا ہے، یہ نتال جنوبی افریقہ میں ہے۔

— لہوٹسے چوٹی ہمالیہ پہاڑ پر واقع ہے، جسے ۱۸؍مئی ۱۹۵۶ء میں فتح کیا گیا۔

— آدم اسمتھ کو فادر آف اکونامکس کہا جاتا ہے۔

— امرتسر پنجاب دنیا بھر میں گولڈن ٹمپل کے لیے مشہور ہے۔

— انقرہ کا پرانا نام انگورہ ہے۔ جو ترکی میںہے۔

— کرالہ کا شہر الوائے میں ایلومیونیم وقیمتی پتھر وغیرہ کی فیکٹریاں ہیں۔

— دنیا کا سب سے بڑا جزیرہ گرین لینڈ شمالی اٹلانٹک پر آباد ہے، جس کا رقبہ ۲۱۷۵۶۰۰مربع کلومیٹر ہے۔

واصیہ فرحان۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہبلی

دوست اور دوستی

— دوست کے ساتھ محبت اعتدال کے ساتھ رکھو۔ کیونکہ ممکن ہے کبھی تمہارا بگاڑ ہوجائے۔ اسی طرح دشمن کے ساتھ دشمنی حد سے زیادہ نہ کرو کیونکہ ممکن ہے کہ کبھی تمہارا دوست ہوجائے۔ (نبی کریم ﷺ)

— حقیقی دوست وہ ہے جو آپ کی طرف اس وقت آتاہے جب ساری دنیا آپ کو چھوڑ چکی ہوتی ہے۔ (اونچل)

عائشہ زرین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بنارس

عقل مندی کی باتیں

— بنی ہوئی راہ پر تو سبھی چلتے ہیں۔ مگر نئے راستے بنانے والے کم لوگ ہوتے ہیں۔

— دنیا میںکامیابی اپنے حوصلہ، محنت اور طاقت پر منحصر ہے۔

— بے وقوف وہ ہے جو اپنے عیبوں کو نہیں دیکھتا، اور عقلمند وہ ہے جو اچھی صحبت میں رہتا ہے۔

وارث سہیل۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اردھا پور

خطرناک غلطیاں

— خود کو سب سے زیادہ عقل مند تصور کرنا۔

— دوسروں کے ساتھ برائی کرنا اور خود آرام سے رہنے کی امید کرنا۔

— کسی کے متعلق ظاہری چیز دیکھ کر رائے قائم کرلینا۔

— اپنا راز کسی کو بتانا اور اس سے اسے پوشیدہ رکھنے کو کہنا۔

— کاموں کو ادھوار چھوڑ کر کل پر ٹال دینا۔

عالیہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ

چٹکلہ

دفتر جاتے وقت ایک راہ گیر نے دیکھا کہ ایک شخص سڑک کے کنارے زمین سے کان لگائے لیٹا ہوا ہے۔ وہ تجسس کے مارے اس شخص کے قریب جاکر بیٹھ گیا۔ وہ شخص بڑبڑایا:

’’ہرے رنگ کی ہندا اکارڈ جسے ادھیڑ عمر کا شخص چلا رہاتھا، کرائے کی نمبر پلیٹ ہے اور بمپر پچکا ہوا ہے۔‘‘ راہ گیر حیرت سے بولا:’’حیرت ہے آپ زمین سے صرف کان لگا کر بتاسکتے ہیں کہ ایسا کوئی کار اس جانب آرہی ہے۔‘‘

وہ شخص کراہ کر بولا: ’’نہیں آرہی بے وقوف، میں تو تمہیں اس کار کے متعلق بتارہا تھا جو مجھے ٹکر مار کر یہاں سے گزری ہے۔‘‘

نبیلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی