گلدستہ

ارشادِ رسول ﷺ
رسول اکرم ﷺ نے فرمایا: ’’اس ذات کی قسم جس کے قبضے میں میری جان ہے تم ضرور لوگوں کو نیکی کا حکم دیتے رہو گے اور برائیوں سے روکتے رہو گے اور ظالم کا ہاتھ پکڑو گے اور ظالم کو حق پر جھکاؤ گے۔ اگر تم لوگ ایسا نہیں کروگے تو تم سب کے دل بھی ایک ہی طرح کے ہوجائیں گے اور پھر اللہ تم کو اپنی رحمت اور ہدایت سے دور پھینک دے گا، جس طرح بنی اسرائیل کے ساتھ اس نے معاملہ کیا۔‘‘
شاکرہ پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بلڈانہ
قیمتی باتیں
— اپنے والدین کی عزت کرو تمہاری اولاد تمہاری عزت کرے گی۔
— محتاط لوگ عموماً کم غلطیاں کرتے ہیں۔
— برے دوستوں سے بچو کیونکہ وہ تمہارا تعارف بن جاتے ہیں۔
— ذمہ داری طاقت کو بڑھا دیتی ہے، جہاں ذمہ داری کا احساس ہوتا ہے وہیں آدمی ترقی کرتا ہے۔
— علم عمل کے بغیر بھی حاصل ہوجاتا ہے لیکن عمل علم کے بغیر حاصل نہیں ہوسکتا۔
— جس کی زبان شیریں اس کے سب دوست۔
— مصیبت کے وقت حاضر دماغی سے کام لینا چاہیے۔
— نادان دوستوں سے بھلائی کی امید رکھنا فضول ہے۔
عائشہ زریں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گونڈہ
اقوالِ زریں
— علم ایک ایسا لباس ہے جو کبھی پرانا نہیں ہوتا۔
— مصیبتوں کا مقابلہ صبر سے کرو، نعمتوں کا حق شکر سے ادا کرو۔
— قرآن مجید ایک ایسا دریچہ ہے جس سے اہم اگلی دنیا کو سمجھ سکتے ہیں۔
— دولت سے ہم خوشامد خرید سکتے ہیں محبت نہیں۔
— سچائی تیل کی طرح سطح پر آجاتی ہے۔
— علم امیر کی زینت اور غریب کی دولت ہے۔
— نماز کے بعد سب سے اچھا کام والدین کی اطاعت کرنا ہے۔
ثاقب الدین شہاب الدین۔۔۔۔۔۔۔۔۔۔۔۔۔۔۔۔ پوسد
باتوں سے خوشبو آئے
— چھوٹے چھوٹے پتھروں کی ٹھوکروں سے مت گھبراؤ کیونکہ بعض اوقات انسان کو چٹانوں سے بھی ٹکرانا پڑتا ہے۔
— ایسی شہرت سے گریز کرو، جو کسی کو عزت دے کر ذلت کے اندھے کنویں میں پھینک دے۔
— محنت ایسا باغ ہے، جس میں ہر اس پھل کی کاشت ہوتی ہے، جس کا درخت ہم اپنے ہاتھ سے لگاتے ہیں۔
ذکریٰ پروین ۔۔۔۔۔۔۔۔۔۔۔۔۔۔۔۔۔۔۔۔۔۔ شاہ پور بگھونی

لطیفہ

بیٹا: (ماں سے) ماں کیا پیلا رنگ بہت مہنگا ہوتا ہے۔

ماں: نہیں تو… لیکن تم یہ کیوں پوچھ رہے ہو؟

بیٹا: پڑوس والی آنٹی کہہ رہی تھیں کہ بیٹی کے ہاتھ پیلے کرنے میں ایک لاکھ روپئے لگیں گے۔

شبانہ اعظمی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیڑ

عجیب و غریب

لندن کا ایک شخص مائک رسل آٹھ برس پہلے ایک حادثے میں زخمی ہوا تھا۔ اس کے کندھے اور کولہے کی کچھ ہڈیاں ٹوٹ گئی تھیں۔ اس کے نقلی دانت گم ہوگئے تھے۔ اس تمام عرصے میں اس کو سانس لینے میں تکلیف ہوتی رہی۔ اس کو شک تھا کہ اسے دمہ ہوگیا ہے۔ ایک ماہر نے ایک ننھے کیمرے سے اس کے پھیپھڑے کے اندر کی تصویر لی تو معلوم ہوا کہ اس کے پلاسٹک کے بنے ہوئے چار دانت پھیپھڑے کے قریب پھنسے ہوئے ہیں۔

خالدہ تنویر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چھندواڑہ

سردار کون ہے؟

— حضرت محمدؐ تمام نبیوں کے سردار ہیں۔

— کتابوں کا سردار قرآن مجید ہے۔

— حضرت فاطمہؓ تمام جنتی عورتوں کی سردار ہیں۔

— دنوں کا سردار جمعہ ہے۔

— راتوں کی سردار شبِ قدر ہے۔

— مہینوں کا سردار رمضان ہے۔

— شہروں کا سردار مکہ ہے۔

— وادیوں کی سردار بیت المقدس کی وادی ہے۔

آمنہ بانو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایچوڑہ

معلومات

— سب سے پہلے سوئی جاپان نے ایجاد کی۔

— اونٹ آنکھ بند کرکے بھی دیکھ سکتا ہے۔

— سوئزرلینڈ دنیا کا واحد ملک ہے جہاں پر ہر سال صدر کا تقرر ہوتا ہے۔

— کشمیر کا سب سے پرانا باغ شالیمار باغ ہے۔ یہ بہت خوبصورت ہے۔ اس کو شاہ جہاں نے بنوایا تھا۔

واجدہ آصف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حیدرآباد

حیرت ناک

— راکوفورس نامی ایک ایسا مینڈک ہے جو ہوا میں اڑتا ہے۔

— برازیل کے جنگلوں میں کھٹا شہد ملتا ہے۔

— گرناتی نامی ایک ایسی مچھلی ہے جو پانی میں تیرتی ہے، ہوا میں اڑتی ہے اور زمین پر چلتی ہے۔

— ملیشیا میں کچھ ایسے درخت ہیں جو آگ برساتے ہیں۔