گلدستہ

فرمانِ رسولﷺ

حضرت ابوہریرہ رضی اللہ عنہ سے روایت ہے کہ نبی کریم ﷺ نے فرمایا: ایک دوسرے سے حسد نہ کرو، بغض نہ کرو، نہ پیٹھ پیچھے ایک دوسرے کی باتیں کرو اور نہ باہم غیبت کرو بلکہ اللہ کے بندے اور بھائی بھائی بن کر جاؤ۔

سیدہ عزرا پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہاسن

اقتباس

انسان کی اصل فضیلت و برتری اس کے اخلاق میں ہے۔ افراد ہوں یا اقوام اخلاق کے زوال میں ان کا زوال اور اخلاق کی پابندی و استواری میں ان کی عظمت ہے۔ (بابائے اردو مولوی عبدالحق)

نائلہ فرید۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔انجن گاؤں

منافق کی صفات

چار باتیں جس کے اندر ہوں وہ پورا منافق ہے اور اگر ان میں سے کوئی ایک برائی ہو تو وہ نفاق کا سبب ہے جب تک کہ وہ اسے چھوڑ نہ دے۔

— امانت میں خیانت کرے۔

— بات میں جھوٹ بولے۔

— وعدہ خلافی کرے۔

— جھگڑا ہو تو گالی دے۔

الفت نداء۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دہلی

اچھے لوگ

— اچھا عالم وہ ہے جو دوسروں کو علم سکھائے اور خود اس پر عمل کرے۔

— اچھا بھائی وہ ہے جو بڑوں کا ادب کرے اور چھوٹوں سے محبت کرہے۔

— اچھا دوست وہ ہے جو خود بھی برائی سے بچے اور اپنے دوست کی بھی برائی سے دور رکھے۔

— اچھا طالب علم وہ ہے جو محنت اور لگن سے پڑھے اور گھر والوں کا ہاتھ بھی بٹائے۔

اشفاق انصاری۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کامٹی

حکمت کے موتی

— کسی سے بدلہ لینے میں جلدی نہ کرو اور کسی کے ساتھ نیکی کرنے میں تاخیر نہ کرو۔

— موت سے محبت کرو تو زندگی عطا کی جائے گی۔

— بڑھاپا زندگی کی مسرتوں کو کم لیکن زندگی کی ہوس کو زیادہ کرتا ہے۔

— زیادہ بولنے سے بڑھ کر انسان کے لیے کوئی چیز بری نہیں ہے۔

— کمزوریوں میں سے سب سے بڑی کمزوری مایوسی ہے۔

— اتنا نرم نہ بن کہ نچوڑ لیا جائے اور نہ اتنا خشک کہ توڑ لیا جائے۔

سعیدالظفر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اورنگ آباد

دو لطیفے

— مالک (نوکر سے): ارے رامو بلی مرگئی ہے تو تُو کیوں رو رہا ہے؟

نوکر: کیا بتاؤں مالک میں جب بھی دودھ پی لیتا تھا، اسی بلی کا نام لے لیتا تھا۔ اب کس کا نام لوں گا۔‘‘

— کوئی صاحب میرے کنویں کا ڈول اور رسی چرا کر لے گئے ہیں۔ ان سے گزارش ہے کہ اب کنواں بھی اٹھا کر لے جائیں، کیونکہ ڈول اور رسی کے بغیر یہ میرے لیے بیکار ہے۔

قاسم محمود انصاری۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مراد آباد

تین چیزیں

— تین چیزیں انسان کو باعزت بناتی ہیں:

(۱) اخلاق، (۲) صداقت (۳) بندگی

— تین چیزیں پسند کرو:

(۱) شفقت (۲) خلوص (۳) خوشدلی

— تین چیزوں کو چھوڑو:

(۱) کاہلی (۲) بزدلی (۳) فضول خرچی

— تین چیزوں کو اپناؤ:

(۱) صبر (۲) رزقِ حلال (۳) ایمان

عبداللہ نوری۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بنگلور

چار چیزیں واپس نہیں آتیں

— گزری ہوئی عمر

— کہی ہوئی بات

— نکلا ہوا تیر

— گیا ہوا وقت

وسیم احمد۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مرادآباد

کام کی باتیں

— جو چیز نہ آتی ہو اس کے سیکھنے میں شرم نہ کرو۔

— دنیا میں سب سے مشکل کام اپنی اصلاح ہے۔

— اگر سیکھنا چاہیں تو انسان کی ہر غلطی کوئی نہ کوئی سبق ضرور دیتی ہے۔

— توبہ کرنا آسان ہے مگر گناہ چھوڑنا مشکل ہے۔

— افراد کے کردار پر ہی ملک کی ترقی یا پسماندگی کا انحصار ہے۔

نبیلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی

اقوالِ زرّیں

— کسی کا دل نہ دکھائیے، کیوں کہ آپ بھی دل رکھتے ہیں۔

— دولت بہت سے ذائقے خراب کردیتی ہے۔

— قناعت کی زندگی بسر کرنے والا کبھی پریشان نہیں ہوتا۔

— برے آدمی کو چھیڑنا خود اپنے آپ کو ذلیل کرنا ہے۔

— جب لوگو ںکو پتہ چلتا ہے کہ زندگی کیا چیز ہے تب تک یہ آدھی خرچ ہوچکی ہوتی ہے۔

احمد باشا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حیدرآباد

خوش کلامی

— خوش کلامی جنت کی اور بدکلامی دوزخ کی نشاندہی کرتی ہے۔

— خوش کلامی صراطِ مستقیم کی طرف لے جاتی ہے۔

— خوش کلامی ایسا پھول ہے جس کی خوشبو سے لوگ کھنچے چلے آتے ہیں۔

— خوش کلامی ایسا پھول ہے جو کبھی مرجھاتا نہیں۔

— خوش کلامی ایسا حق ہے جو سامعین کو یقینا اپنی طرف متوجہ کرتا ہے۔

عبدالرحمن عارف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی

کمزور آنکھیں

’’ڈاکٹر صاحب ‘‘ ایک خوبصورت لڑکی نے اپنی آمد کی وضاحت کرتے ہوئے کہا: ’’میں آپ کے پاس صرف یہ معلوم کرنے آئی ہوں کہ مجھے کیا بیماری ہے؟‘‘

’’ایک نہیں تین بیماریاں ہیں۔‘‘ جواب ملا: ’’تم بہت کم کھانا کھاتی ہو۔ بہت زیادہ میک اپ کرتی ہو۔ اور تمہاری آنکھیں بہت کمزور ہیں۔شاید تم نے دروازے پر لکھا ہوا سائن بورڈ بھی نہیں پڑھا میں مویشیوں کا ڈاکٹر ہوں۔

حبیبہ تنویر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گوالیار