گلدستہ

ارشاداتِ رسول
حضور ﷺ نے فرمایا:
—ایمان والوں میں سب سے عقل مند وہ ہے جس نے اپنے نفس کو قابو میں رکھا اور موت کے بعد کی زندگی کے لیے عمل کیا۔
—جس نے اپنے بیمار مسلمان بھائی کی عیادت کی وہ جنت کے بالا خانے میں ہوگا۔
—جس نے اللہ کے لیے محبت کی، اسی کے لیے غصہ ہوا، اسی کے لیے عطا کیا اور اسی کے لیے رکا اس نے ایمان کو مکمل کرلیا۔
مرشد کمال۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کلکتہ
اقوالِ زریں
— کسی کا پوشیدہ راز ہرگز ظاہر نہ کرو۔
— خدا کا خوف عقلمندی کی معراج ہے۔
— ناقابلِ اعتبار دوست سے تنہا رہنا بہتر ہے۔
— زندگی ایک ایسا ہیرا ہے جسے تراشنا انسان کا کام ہے۔
— دل کی سب سے بڑی بیماری حسد ہے
پیر زادہ معراج الدین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سلّر، کشمیر
زبان
— بات کرنے سے پہلے سوچیں کہ آپ کون سے الفاظ اپنی ’زبان‘ سے کہہ رہے ہیں ، کہیںایسا تو نہیں کہ آپ کی زبان سے کسی کو دکھ پہنچے؟ زبان پر آپ کو قابو دیا گیا ہے۔ لیکن اگر آپ نے اس کی لگام اپنے قابو میں نہ رکھی تو یہ سرپٹ دوڑتے ہوئے گھوڑے کی مانند خود بھی ٹھوکر کھائے گی اور اپنے سوار کو بھی گرادے گی۔
ثمینہ اختر محمد مشتاق۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ
سنہرے اقوال
— وہ علم بے کار ہے جس پر عمل نہ کیا جائے۔
(حضرت عثمانؓ)
— آدمی کی قابلیت اس کی زبان میں پوشیدہ ہے۔
(حضرت علیؓ)
— کمزور جسم دماغ کو بھی کمزور کردیتا ہے۔ (روسو)
— آپ خود کو دیانت دار بنانے کے بعد یقین کرلیں کہ دنیا میں ایک بے ایمان کی کمی ہوگئی۔
(برناڈشا)
— اچھی کتابیں زندگی کا بہترین سرمایہ ہیں۔
(سوکتی)
ثاقب الدین شہاب الدین۔۔۔۔۔۔۔۔پوسد، ضلع ایوت محل
زندگی
— امام غزالیؒ سے کسی نے پوچھا: ’’زندگی کیا ہے؟‘‘ امام غزالیؒ نے جواب دیا ’’مسافر۔‘‘ سوال کرنے والے نے اس عجیب وغریب جواب کی وضاحت چاہی۔ پوچھا ’’اس کا آغاز ، انجام اور اس کی شاہراہ کی دوسری علامتیں کون کون سی ہیں؟ امام غزالیؒ نے جواب دیا: ’’اس کا آغاز لہو ہے اور انجام لحد ہے۔ اس کے سفر کی منزلیں سال ہیں، مہینے اس کے میل ہیں۔ دن سنگِ میل اور اس کی ہر سانس ایک قدم ہے۔‘‘
ثمرین فردوس ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کالی دولت خان
تین چیزیں
— تین چیزوں کی قدر کرو:
ذہانت، صلاحیت اور خوشی
— تین چیزوں سے نفرت کرو:
تکبر، خیانت اور بدعہدی
— تین چیزوں کی تمنا کرو:
خوشحالی، امن اور دل کی صفائی
— تین چیزوں کے لیے لڑو:
ملک، عزت اور دوست
— تین چیزوں پر قابو رکھو:
نفس، غصہ اور زبان
عبدالمجید ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تانڈور
حکمت کے موتی
— نیکی سب سے پہلے اپنے ماں باپ کے ساتھ کرو۔
— مشورہ ہمیشہ عقلمند سے کرو۔
— صحبت ہمیشہ نیک لوگوں کی اختیار کرو۔
— سب سے زیادہ قابلِ نفرت گناہوں کے کام ہیں۔
— سب سے اچھی عادت صاف گوئی اور صداقت ہے۔
— مرتبہ ہمیشہ علم سے حاصل ہوتا ہے۔
ولیہ رحمن۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آرمور
رسولؐ کی ہدایات
— جب ہم کسی سے وعدہ کریں تو کہیں: انشاء اللہ
— جب کسی چیز کی تعریف کریں تو کہیں: سبحان اللہ
— جب کوئی کام یا کھانا شروع کریں تو کہیں: بسم اللہ
— جب کوئی کھاتے وقت بلائے تو کہیں: بارک اللہ
— جب ہمیں کوئی کچھ دے تو کہیں: جزاک اللہ
— خیرات کرتے وقت کہیں: فی سبیل اللہ
— جب کسی بات سے خوش ہو ںتو کہیں: ماشاء اللہ
— جب چھینک آئے تو کہیں: الحمدللہ
— سوکر اٹھنے کے بعد کہیں: لا الہ الا اللہ
حنا پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جمشید پور
قابلِ قدر لوگ
— خدا کی نظر میں قابلِ قدر وہ ہے جو بلند اخلاق ہو۔
— عقلمندوں کی بزم میں قابلِ قدر وہ ہے جو باعلم ہو۔
— حکمرانوں کی بزم میں قابلِ قدر وہ ہے جو چاپلوس ہو۔
— اہلِ ایمان کی بزم میں قابلِ قدر وہ ہے جو باعمل ہو۔
مہناز فاطمہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پنہانا
بکھرے موتی
— اللہ تعالیٰ اس شخص پر رحم کرتا ہے جو دوسروں کے عیبوں کو چھپائے۔
— اللہ تعالیٰ اس شخص کو ذلیل کرتا ہے جو لگائی بجھائی اور غیبت کرے۔
— اللہ تعالیٰ کا اس پر غضب نازل ہوتا ہے جو اپنے ماں باپ کو تکلیف پہنچائے۔
نائلہ صدف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ارے ہلی
لطیفہ
ایک دن سیٹھ جی ٹرین میں سفر کررہے تھے۔ ان کے سامنے والی نشست پر ایک لالچی شخص بھی سفر کررہا تھا۔ راستے میں ایک جگہ گاڑی رکی تو سیٹھ جی نے پوری اور سبزی خریدی اور اطمینان سے کھانے لگے۔
لالچی شخص نے زبان ہونٹوں پر پھیرتے ہوئے کہا: ’’سیٹھ جی! پوری اکیلے ہی اکیلے کھا رہے ہیں؟‘‘
سیٹھ جی بھی حاضر جواب تھے فوراً ہی بولے: ’’نہیں جی، سبزی کے ساتھ کھا رہا ہوں۔‘‘
نبیلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی