گلدستہ

حدیث
رسول اللہ ﷺ نے فرمایا:
—سلام کو پھیلاؤ۔
—غریبوں کو کھانا کھلاؤ
—رشتے داروں کے ساتھ صلہ رحمی کرو۔
جنت میں سلامتی کے ساتھ داخل ہوجاؤگے۔
ولی الرحمن سعید۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بھاگلپور
علم
— علم ایسی لاٹھی ہے جو بے سہاروں کو سہارا دیتی ہے۔
— علم وہ راستہ ہے جس پر چل کر انسان اپنی منزل پالیتا ہے۔
— علم وہ روشنی ہے جو بھٹکنے والوں کی رہنمائی کرتی ہے۔
— علم وہ ڈھال ہے جو جاہلوں کے حملوں سے انسان کو بچاتی ہے۔
— علم وہ نعمت ہے جسے ہر انسان حاصل کرسکتا ہے۔
عبدالمجید۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تانڈور
عورت
— عورت مرد کی زندگی کی بہار ہے۔
— ایک نیک عورت ہزارولیوں سے بہتر ہے۔
— عورت کے بنا مرد کی زندگی ادھوری نہیں بلکہ بے کار ہے۔
— اسلام کی تاریخ میں سب سے پہلے ایمان لانے والی عورت ہے۔
— اسلام کی تاریخ میں سب سے پہلی شہید (سمیہؓ) عورت تھی۔
ڈاکٹر سید حفیظ الرحمن۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
ان چاروں کو ہدایت نہیں ملتی
— جس کا دل گناہوں سے نہ گھبراتا ہو۔
— جس پر وعظ و نصیحت کا اثر نہ ہو۔
— جسے عبادت کا شوق نہ ہو۔
— جس کا دل رشتے داروں سے گھبراتا ہو
بیان مت کر
— بے تحقیق بات
— خود غرض کے پاس اپنی مصیبت
— حاسد کے سامنے اپنی آمدنی
— اپنی زبان سے اپنی خوبی
رمیفہ صبرین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وانمباڑی
اقوال
— اگر محنت میں لطف نہیں تو نتیجے کا انتظار تکلف ہے۔
— دنیا کو ہنسانے والا تنہائیوں میں روتا بھی ہے۔
— ناپسندیدہ انسان سے پیار کرو، اس کا کردار بدل جائے گا۔
— اگر کیفیت یا یکسوئی نہ بھی میسر ہو تو بھی نماز ادا کرنی چاہیے۔ نماز فرض ہے۔ کیفیت فرض نہیں۔
— اس دوست کا گلہ کررہے ہو جو دھوکا دے گیا۔ گلہ اپنی عقل کا کرو کہ دھوکا دینے والے کو دوست سمجھتے رہے۔
— سب سے پیارا انسان وہ ہوتا ہے جس کو پہلی بار دیکھنے سے دل یہ کہے: میں نے اسے پہلے بھی دیکھا ہے۔
— جو انسان اپنی وفا کا ذکر کرتا ہے وہ اصل میں دوسرے کی بے وفائی کا ذکر کررہا ہوتا ہے۔
— اگر زندگی بچانے کی قیمت پوری زندگی مانگی جائے تو انکار نہ کرنا۔
مومل خان ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جے پور
انمول ہیرے
— ’’زندگی‘‘ کی کیا حقیقت ہے؟ ’’اذان سے نماز تک کا وقفہ۔‘‘ یعنی پیدائش کے وقت اذان دی جاتی ہے اور موت کے وقت نماز جنازہ پڑھی جاتی ہے۔
— آج عمل کا بیج بوئیے، کل ارادے کا پودا نکلے گا اور پھر خواہش کا پھل ملے گا۔
— ’’انسانی ذہن‘‘ پیرا شوٹ کی مانند ہے۔ اگر کھلا ہو تو زندگی ہے اور اگر بند ہو تو موت ہے۔
— عقلمند کے جذبات اس کے ہاتھ میں ہوتے ہیں اور بے وقوف جذبات کے ہاتھوں میں ہوتا ہے۔
— ’’غصہ‘‘ اس کوئلہ کی مانند ہے جسے ہاتھ میں لیا جائے، اگر گرم ہو تو ہاتھ جلادے گا اور ٹھنڈا ہونے پر ہاتھ ضرور کالے کرے گا۔
محمد عدنان ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بھاؤ نگر
الٹی تدبیر
ایک آدمی اونچے درخت پر چڑھ گیا لیکن اس سے نیچے نہیں اترا جارہا تھا، تولوگوں کا ہجوم ہوگیا، آخر گاؤں کے ایک بزرگ حکیم کوبلایا گیا، حکیم نے ایک رسہ درخت کے اوپر اچھالتے ہوئے کہا: اسے اپنی کمر کے گرد کس کر باندھ لو، جب اس نے باندھ لیا تو حکیم نے تین آدموں سے کہا کہ اس کو زور سے کھینچو۔ آدمیوں نے جب رسے کو کھینچا تو وہ آدمی دھڑام سے نیچے گرا اور گرتے ہی مر گیا۔ لوگوں نے شکوہ کیا کہ آپ نے ایسے ہی ایک بے گناہ آدمی کو مار دیا۔ حکیم نے کچھ سوچتے ہوئے جواب دیا: یہ اللہ کی مرضی ہے ورنہ میں نے بہت سے لوگوں کو ایسے ہی کنوؤں سے نکالا ہے۔
عبدالرحمن عارف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
طویل القامت زندہ انسان
اس وقت دنیا میں جو انسان سب سے طویل القامت اور حیات ہے وہ یوکرائن کے لیونڈا اسٹینڈنگ ہیں۔ ۲۰۰۶ء میں کی گئی پیمائش کے مطابق ان کا قد 8 فٹ 5.5انچ ہے۔ لیونڈ مویشیوں کے سرٹیفائڈ ڈاکٹر ہیں۔ ان کے پچوٹری گلینڈ میں موجود ٹیومر نے قد میں اضافے کے ہارمون کی پیداوار زیادہ کردی اور اس بیماری کے سبب ان کا قد عام لوگوں سے کہیں زیادہ ہے۔
حنا پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جمشید پور
ٹیکنالوجی کا سب سے بڑا انعام
میلینئم ٹیکنالوجی پرائز دنیا میں سب سے بڑا سائنس و ٹیکنالوجی انعام ہے۔ جس کی انعامی رقم دس لاکھ یورو ہے۔ یہ ہر دو سال بعد سائنسی میدان میں کارہائے نمایاں انجام دینے والوں کو دیا جاتا ہے۔ ۲۰۰۶ء میں یہ جاپان کے پروفیسر شوجی نکا مورا کو دیا گیا تھا جبکہ ۲۰۰۸ء کامیلینئم ٹیکنالوجی انعام مانچسٹر انسٹی ٹیوٹ آف ٹیکنالوجی کے پروفیسر رابرٹ لینگر کے نام ہوا۔
محمد مسلم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔غازی آباد
اقوال زریں
— دوسروں کو معاف کردو لیکن خود کو کبھی معاف نہ کرو۔
— علم آدمی کو اس طرح تازہ کرتا ہے جس طرح بارش زمین کو۔
— جو یہ سوچ کر ڈرتا ہے کہ ہار جائے گا وہ ضرور ہارے گا۔
— پرندے اپنے پاؤں کی وجہ سے جال میں پھنستے ہیں، انسان اپنی زبان کی وجہ سے۔
ماریہ لودھی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مظفر نگر