گلدستہ

فرمانِ رسول
— نیکی اچھے اخلاق کا نام ہے۔
— صدقہ کسی مال کو گھٹاتا نہیں۔
— بدترین حاکم رعایا پر ظلم کرنے والے ہیں۔
— نیکی جنت کی طرف لے جاتی ہے۔
— رسول اللہؐ نے کبھی کسی کھانے میں عیب نہیں نکالا۔
محمدامین الدین۔۔۔۔۔۔۔۔۔۔۔۔۔۔۔۔۔۔۔۔۔جمونیا، مغربی چمپارن
قیمتی باتیں
— محبت ایسی چیز ہے جو پتھر میں بھی سوراخ کردیتی ہے۔
— محنت تقدیر کا دایاں ہاتھ ہے۔
— باتونی ہونا ترقی کی راہ میں بڑی رکاوٹ ہے۔
— حسن سادگی سے نکھرتا ہے۔
— انسان خوبیوں سے محبوب بنتا ہے، شکل سے نہیں۔
— بہترین انسان وہ ہے جس سے دوسروں کو فائدہ پہنچے۔
سیدہ عائشہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر
خوش نصیب
— وہ ہے جس کی اولاد نیک اور فرماں بردار ہو۔
— وہ ہے جس کے دوست متقی اور خدا ترس ہوں۔
— وہ ہے جس کا پڑوسی اچھا ہو۔
— جس کی بیوی اس کی ہم خیال ہو۔
حافظہ عصمت۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
جواہرات
— اللہ کی یاد سے ہر مشکل آسان ہوجاتی ہے۔
— محنت کامیابی کی کنجی ہے۔
— سچ بولنے سے تمام عیب چھوٹ جاتے ہیں۔
— تم اپنا فرض ادا کرو نتیجہ آپ آجائے گا۔
— نرمی سے جواب دینا مخاطب کے غصہ کو کم کردیتا ہے۔
عمارہ فاطمہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر
ان مول موتی
— کامیابی کا راز مسلسل کوشش میں ہے۔
— معاف کردینا بہترین انتقام ہے۔
— زندگی کی پریشانیاں ہی انسان کو تجربہ کار بناتی ہیں۔
— غصہ میں ایسی بات نہ کہو کہ بعد میں شرمندگی ہو۔
سارہ فاطمہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وانمباڑی
معلومات
— حضورؐ کی دودھ شریک بہن کا نام شیما تھا۔
— بیت المقدس کے بجائے خانہ کعبہ کی طرف رخ کرکے نماز پڑھنے کا حکم ۱۵؍شعبان ۲ ہجری کو دیا گیا۔
— قرآن مجید پر اعراب حجاج بن یوسف نے لگوائے۔
— ہندوستان میں اسلام عرب تاجروں کے ذریعے پہنچا۔
فرح تبسم ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شاہین کالج، بیدر
غور سے پڑھئے
— سب سے بڑی بیماری حسد ہے۔
— سب سے بڑی برائی جھوٹ ہے۔
— سب سے گری ہوئی حرکت غیبت ہے۔
— سب سے برا انسان وہ ہے جو دوست بن کر دھوکا دے۔
— سب سے اچھا انسان وہ ہے جو اخلاق میں اچھا ہو۔
— سب سے اچھا عالم وہ ہے جو عمل کرتا ہو۔
— سب سے بڑا پہلوان وہ ہے جو غصہ پر قابو رکھے۔
اقراء جبیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔الجبار کالونی، بیدر
تین حدیثیں
— جو اللہ سے نہیں مانگتا اللہ اس سے ناراض ہوجاتا ہے۔
— مسلمان ،مسلمان کا آئینہ ہے۔
— وہ شخص جنت میں نہیں جائے گا جس کے شر سے اس کا پڑوسی محفوظ نہ ہو۔
نور الصباح۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ
کرو
— پہل کرو سلام میں
— آگے بڑھو نیکیوں میں
—صبر کرو آزمائش میں
— جلدی کرو نماز میں
—عبادت کرو جوانی میں
—خدا کو یاد کرو ہر حال میں
محمد لئیق احمد۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جمشید پور
حقیقتِ دنیا
— دنیا اس کا گھر ہے جس کا کوئی گھر نہ ہو۔
— اس کا مال ہے، جس کا کوئی مال نہ ہو۔
— اس کو وہ جمع کرے جس کے پاس عقل نہ ہو۔
— اس کے پیچھے وہ پڑے جس کو کوئی علم نہ ہو۔
— اس پر وہ رشک کرے، جس کو کوئی دانائی نہ ہو۔
— اس کے پیچھے وہ پڑے جس کو آخرت کا کوئی یقین نہ ہو۔
فائزہ بتول۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہری ہر
حضور ﷺ نے فرمایا
عنقریب میری امت پر ایسا زمانہ آنے والا ہے جب کہ وہ:
— آخرت کو بھول جائیں گے اور دنیا کو یاد رکھیں گے۔
— زندگی پیاری ہوگی، موت سے نفرت ہوگی۔
— محل درکار ہوں گے، قبریں بے کار ہوں گی۔
— مال پر نگاہ ہوگی، آل کی خبر نہ ہوگی۔
— خلق پیاری ہوگی، خالق کی یاد بھی باقی نہ رہے گی۔
نائلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
حدیث شریف
(۱) نبی کریم ﷺ نے ارشاد فرمایا: احسان جتانے والا، بڑوں کا نافرمان اور شراب کا عادی جنت میں نہ جائیں گے۔
(۲) نبی کریم ﷺ نے ارشاد فرمایا: پہلوان وہ ہے جو اپنے غصے پر قابو پالے۔
(۳) نبی کریم ﷺ نے فرمایا: پیٹ تمام بیماریوں کا گھر ہے۔
خدیجہ فاطمہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بیدر
علم کے فائدے
— علم ایک ایسی لاٹھی ہے، جو بے سہاروں کو سہارا دیتی ہے۔
— علم ایک ایسا راستہ ہے، جس پر چل کر انسان اپنی منزل پالیتا ہے۔
— علم ایک ایسی روشنی ہے، جو اندھیرے میں بھٹکنے والوں کی رہنمائی کرتی ہے۔
— علم ایک ایسی ڈھال ہے، جو جہالت سے انسان کی حفاظت کرتی ہے۔
— علم ایک ایسی دولت ہے، جو انسان کو زندگی بھر کے لیے مالا مال کردیتی ہے۔
ذکریٰ پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شاہ پور بگھونی