گلدستہ

ارشادِ نبوی
حضرت ابوہریرہ رضی اللہ عنہ سے روایت ہے کہ رسول ﷺ نے فرمایا کہ جس کو ہدیہ کے طور پر خوشبو دار پھل پیش کیا جائے اسے چاہیے کہ اس کو قبول کرلے۔ رد نہ کرے کیونکہ وہ بہت ہلکی اور کم قیمت چیز ہے۔ اور اس کی خوشبو باعث فرحت ہے۔ (صحیح مسلم)
حضرت جابر رضی اللہ عنہ سے روایت ہے کہ رسول ؐ اللہ نے فرمایا: کبھی اپنے حق میں یا اپنی اولاد، مال، جائداد کے حق میں بد دعا نہ کرو، مبادا وہ وقت دعا کی قبولیت کا ہو اور تمہاری وہ دعا اللہ تعالیٰ قبول فرمالے
اشعر الدین کاشف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھام گاؤں
قیمتی باتیں
— وقت کا صحیح استعمال کرو، وقت کسی کا انتظار نہیں کرتا۔
— زبان کے زخم تلوار سے بھی زیادہ گہرے ہوتے ہیں۔
— پیار سب کے ساتھ کرو، یقین کچھ لوگوں پر کرو لیکن برا کسی کا نہ کرو۔
— کامیاب وہ ہے جو اپنے آج کو نہ کھوئے۔
— جو زمانے کو بدل دے وہ انسان ہے۔ زمانے کے ساتھ بدلنا کوئی کردار نہیں۔
فرح تبسم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شاہین کالج، بیدر
اقوال حکیم محمد سعید
— تنقید کے معنی یہ ہیں کہ اچھائی اور برائی دونوں کا دیانت داری سے جائزہ لیا جائے۔
— انسان ٹھوکریں کھاتاہے مگر کچھ سبق حاصل نہیں کرتا۔
— وہ تمام مسلمان بے چین رہتے ہیں جو صبح کی خاموشی میں اللہ تعالیٰ سے اپنا رشتہ نہیں جوڑتے۔
— کردار انسان کا وہ حسن ہے جسے زوال نہیں۔
— آپ منٹ کی حفاظت کریں تو گھنٹے کی حفاظت ممکن ہوگی۔
— حق بات ضائع نہیں جاتی۔
ماریہ عارف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مدھوبنی
ساز و سامان
ایک دفعہ حضرت امام غزالی ایک امیر آدمی کے گھر گئے۔ دیکھا کہ وہ غلاموں پر برس رہا ہے۔ بیٹوں سے الجھ رہا ہے۔ بیوی سے جھگڑا کررہا ہے۔ فلاں کمر بند کہاں ہے؟ تلوار پر رنگ کیوں ہے؟ فلاں عطر کیوں نہیں آتا؟ امام غزالی نے پوچھا: یہ کیسا ہنگامہ ہے۔ امیر کہنے لگا مجھے خلیفہ نے یاد فرمایا ہے۔ اور میں مناسب ساز وسامان اور لباس کی تلاش میں ہوں۔ یہ سن کر امام غزالی نے فرمایا: تمہیں بہت جلد اللہ بھی بلانے والا ہے۔ کیا اس دربار کا بھی ساز و سامان تیار کرلیا ہے؟
نور الصباح ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حاجی نگر، آکولہ
علم اور دولت
— دولت فرعون کا ورثہ ہے اور علم انبیا کا۔
— دولت کی حفاظت تم کرتے ہو جب کہ علم تمہاری حفاظت کرتا ہے۔
— جس کے پاس دولت ہوا س کے پاس اس کے بہت سے دشمن ہوتے ہیں جس کے پاس علم ہو اس کے بہت دوست ہوتے ہیں۔
— دولت تقسیم سے کم ہوجاتی ہے ، علم بانٹنے سے بڑھ جاتا ہے۔
— دولت مند کنجوسی کی طرف مائل رہتا ہے اور صاحبِ علم فیاضی کی طرف۔
— دولت نے فرعون اور نمرود جیسے خدائی کا دعویٰ کرنے والے پیدا کیے۔
قدسیہ فردوسی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر
ہیرے موتی
— جو نرمی سے محروم ہوا ، وہ خیر سے محروم ہوا۔ (حدیث)
— تم میں اچھے وہ ہیں جن کے اخلاق اچھے ہوں۔
(حدیث)
— اللہ تعالیٰ مہربان ہے مہربان کو دوست رکھتا ہے۔
(حدیث)
— برے ساتھی سے تنہائی اچھی ہے۔ (جنید بغدادی)
— ہر بزرگ کی کوئی بات یاد کرو نفع پاؤ گے۔ (قول)
وسیم الحق۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اندور
مسکراہٹ
— مسکراہٹ محبت کی زبان ہے۔
— مسکراہٹ پتھر دل کو موم کردیتی ہے۔
— مسکراہٹ روشنی کی کنجی ہے۔
— مسکراہٹ کامیابی کی کلید ہے۔
— مسکراہٹ پیار کی پہلی زبان ہے۔
— مسکراہٹ دلوں کو جیتنے کا واحد ذریعہ ہے۔
آفرین بتول۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معلومات
— ہندوستان میں تقریباً ۸۵ بولیاں بولی جاتی ہیں۔
— ہندوستان میں اتوار کی چھٹی ۱۹۴۳ء سے شروع ہوئی۔
— سعودی عرب ایسا ملک ہے جہاں ایک بھی ندی نہیں ہے۔
— بجلی کے بلب میں آرگن گیس ہوتی ہے۔
— دنیا میں سب سے زیادہ بوڑھے لوگوں کی تعداد ’’روس‘‘ میں ہے۔
— دنیا کی سب سے بڑی ندی دریائے نیل ہے۔
— ہندوستان کی سب سے بڑی ندی گنگا ہے۔
ریان جرید خان۔۔۔۔۔۔۔۔۔۔۔۔۔۔۔۔۔۔۔۔۔عمر کھیڑ، (مہاراشٹر)
تین
— زندہ رہنے کے لیے تین اشیا:
ہوا، پانی اور غذا
— لفظ اللہ میں آنے والے حروف تین:
ا+ل+ہ
— موت لفظ میں تین حروف :
م+و+ت
— زمانے کی تین قسمیں:
ماضی، حال اور مستقبل
— فوج کی تین شاخیں:
برّی، فضائی اور بحری
— پانی کے تین روپ:
برف، پانی اور بھاپ
— زندگی کی تین بہاریں:
بچپن، جوانی اور بڑھاپا
زوبیہ تسنیم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پھولساؤنگی، مہاراشٹر