گلدستہ

قولِ رسول
حضور ﷺ اللہ علیہ نے فرمایا:
— سلام کو عام کرو!
— بھوکوں کو کھانا کھلاؤ!
— رشتوں کو جوڑو!
— تم سلامتی کے ساتھ جنت میں داخل ہوجاؤگے۔
اشعر الدین کاشف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھام گاؤں
عورت
— سیرت عورت کی خوبصورتی ہے۔
— حسن عورت کا جادو ہے۔
— حیاء عورت کا زیور ہے۔
— محبت عورت کا ضمیر ہے۔
— رحم عورت کی فطرت ہے۔
— انکساری عورت کی شان ہے
خیر النساء۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہاپوڑ، یوپی
دل
— دل ایک آئینہ ہے، اگر وہ بدی سے پاک ہو تو اس میں خدا بھی نظر آتا ہے۔
— دولت دنیا کی حاصل کرلینا کوئی مشکل بات نہیں لیکن دل جیتنا بڑا مشکل کام ہے۔
— دل کی طرح نرم اور دل کی طرح سخت دنیا میں کوئی چیز نہیں ہوتی۔
— کسی کا دل مت دکھاؤ ہوسکتا ہے وہ آنسو تمہارے لیے سزا بن جائے۔
— اگر تم انسان ہو تو دلوں کو فتح کرنے کا فن سیکھو۔
محسنہ انیس۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ورنگل
چاہت
— اگر بنانا چاہتے ہو تو انسان کے دل میں جگہ بناؤ۔
— کچھ کرنا چاہتے ہو تو یتیموں کی مدد کرو۔
— لڑنا چاہتے ہو تو اپنے نفس سے لڑو۔
— کچھ چھوڑنا چاہتے ہو تو حرص حسد غرور کو چھوڑ دو۔
— کچھ مانگنا چاہتے ہو تو لوگوں سے اپنے لیے دعا مانگو۔
— کچھ بھولنا چاہتے ہو تو اپنے احسان کوبھول جاؤ جو تم نے لوگوںکے ساتھ کیے۔
مدیحہ رحمن ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مراد آباد
قرآنی معلومات
— قرآن مجید ۲۲ سال، ۴؍مہینے اور ۸ دن کی مدت میں نازل ہوا۔
— قرآن مجید میں اللہ کانام ۲۵۸۴ مرتبہ آیا ہے۔
— قرآن مجید میں نماز کی تاکید ۷۰۰ مرتبہ ہوئی ہے۔
— قرآن مجید میں قرأت کی تاکید ۱۵۰ مرتبہ ہوئی ہے۔
— قرآن مجید میں ۲۶ پیغمبروں کے نام آئے ہیں۔
— قرآن مجید میں دعا مانگنے کی تاکید ۷۰ سے زائد مرتبہ آئی ہے۔
— قرآن مجید میں خیرات کی تاکید ۱۵۰ سے زائد مرتبہ آئی ہے۔
— قرآن مجید میں جنت کا لفظ ۱۵۰ مرتبہ آیاہے۔
حافظہ عصمت۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقوالِ زریں
— کسی کو خوشی نہیں دے سکتے تو دکھ بھی مت دو۔
— تحفہ دینا چاہتے ہو تو اخلاق سے بڑھ کر کوئی تحفہ نہیں۔
— کسی کو دھوکا مت دو کل کو تمہیں بھی کوئی دھوکا دیگا۔
— ظلم کرنے والے کی حمایت کرنا بہت بڑا گناہ ہے۔
— غریب ہے وہ شخص جو علم کے نور سے مالامال نہیں۔
فرح ناز۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر
پرندوں کی دنیا
— کوجارو وہ پرندہ ہے جو غاروں میں رہتا ہے۔
— ہمنگ برڈ وہ پرندہ ہے جو اڑ سکتا ہے چل نہیں سکتا۔
— شتر مرغ وہ پرندہ ہے جس سے چمڑا حاصل ہوتا ہے۔
— شتر مرغ ہی وہ پرندہ ہے جو اڑ نہیں سکتا صرف چل سکتا ہے۔
— پرندوں کے جسم کا درجہ حرارت ۱۱۲ فارن ہائٹ ہوتا ہے۔
— باز سب سے تیز اڑنے والا پرندہ ہے۔
— ہمنگ برڈ پیچھے کی طرف بھی بہ آسانی اڑ سکتا ہے۔
— کبوتر اور فاختہ کو امن کی نشانی سمجھا جاتا ہے۔
ماہم کفیل۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حیدرآباد
نماز
— نماز مومن کی معراج نبیؐ کی آنکھوں کی ٹھنڈک ہے۔
— نماز رزق میں برکت اور گناہوں سے بچانے کا ذریعہ ہے۔
— نماز جسم سے سستی و کاہلی اور قبر سے عذاب دور کرنے والی ہے۔
— نماز چہرے کا نور اور روح کی غذا ہے۔
— نماز مومن کے دل کا سکون اور اللہ سے تعلق کا ذریعہ ہے۔
حلیمہ مسکان۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تانڈور
علم
— علم روشنی ہے اور جہالت اندھیرا۔
— علم قوت ہے اور جہالت کمزوری۔
— علم خزانہ ہے اور جہالت غربت و افلاس
— علم حفاظت ہے اور جہالت ہلاکت
— علم ہتھیار ہے اور جہالت موت
آفریں بتول۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عجیب سوال، عجیب جواب
حضرت ابوعبداللہ قرشیؒ فرماتے ہیں کہ ایک شخص کسی عالم کے پاس سات باتیں معلوم کرنے کی غرض سے سات سو میل کا سفر کرکے پہنچا اور پوچھنے لگا:
’’آسمان سے زیادہ بھاری، زمین سے زیادہ وسیع، پتھر سے زیادہ سخت، آگ سے زیادہ جلانے والی، سمندر سے زیادہ گہری، یتیم سے زیادہ کمزور یا زہرسے زیادہ قاتل چیز کیا ہے؟‘‘
وہ عالم کہنے لگے: (۱)عفیف، پاک دامن پر عیب لگانا آسمان سے زیادہ ثقیل (بھاری) ہے۔ (۲) حق زمین سے زیادہ وسیع ہے۔ (۳) کافر کا دل پتھر سے زیادہ سخت ہے۔ (۵) حرص آگ سے زیادہ جلانے والی ہے۔ (۵) قلب مانع (صابر کا دل) سمندر سے زیادہ گہرا ہے۔(۶) چغلی کا ظاہر ہونا زہر سے زیادہ مہلک ہے اور (۷)اس وقت چغل خور یتیم سے زیادہ کمزور ہوتا ہے۔
انیلا قریشی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حیدرآباد
خدا کی یاد
ایک بادشاہ نے ایک عبادت کرنے والے بزرگ سے پوچھا کہ کبھی آپ کو میری یاد بھی آتی ہے؟ بزرگ نے جواب دیا کہ ہاں آتی ہے مگر اس وقت جب میں خدا کو بھول جاتا ہوں۔ خدا تعالیٰ جس کو اپنی محبت سے دور رکھتا ہے وہ چاروں طرف دوڑتا ہے۔ ہر ایک کا سہارا ڈھونڈتا ہے اور جس کو وہ اپنی محبت میں مبتلا کرتا ہے وہ ہر ایک سے بے نیاز ہوجاتا ہے اور کسی کی چوکھٹ پر اپنی کوئی حاجت لے کر نہیں جاتا۔
وسیم اختر ۔۔۔۔۔۔۔۔۔۔