گلدستہ

سنہرے اقوال
حضور ﷺ اللہ علیہ نے فرمایا:
— ’’بہترین کام وہ ہے جس کا پختہ عزم کرلیا گیا ہو اور سب سے برا اندھاپن دل کا اندھا پن ہے۔‘‘
— ’’بہترین علم وہ ہے جو نفع بخش ہو۔‘‘
— اوپر والا ہاتھ نیچے والے ہاتھ سے بہتر ہے۔
— قیامت کے روز لاحق ہونے والی پشیمانی سب سے بری پشیمانی ہے۔
حافظہ عصمت۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاہین کالج (بیدر)
بنا شہیدؒ کی نصیحتیں
— حالات خواہ کیسے ہی ہوں۔ اذان کی آواز سنو تو نماز کے لیے اٹھ کھڑے ہو۔
— فصیح اور صاف ستھری زبان میں گفتگو کرو یہ کام بھی شعائرِ اسلام میں سے ہیں۔
— بحث و تکرار سے بچو، کیونکہ اس سے نتیجہ برآمد نہیں ہوتا۔
— مسخرہ پن اختیار نہ کرو، کیونکہ مردِ مومن سنجیدگی کے علاوہ کوئی اور چیز نہیں جانتا۔
ملاَّ فراست فصیح۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہبلی
غور کرنے کی باتیں
— دنیا کی کوئی تفریح اتنی سستی اور فیض رساں نہیں جتنی مطالعہ کی عادت۔
— کسی کے چہرے پر مت جاؤ کیونکہ انسان ایک بند کتاب کی مانند ہے۔
— کسی تصویر کے قریب اتنا مت جاؤ کہ وہ دھندلی ہوجائے۔
— زندگی میں آپ دو ہی اشخاص کو اہمیت دیتے ہیں۔ ایک دوست اور دوسرا دشمن۔
انصاری اقبال عبدالرحیم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پربھنی
خدا سے محبت
— محبت کرنا ہے تو اس خدا سے کرو جسے تم سب سے زیادہ پیارے ہو اور جو دنیا میں بھی تمہارے ساتھ ہے اور اخرت میں بھی وہی ہے۔
— محبت کرنا ہے تو اس خدا سے کرو جس کا پیار سو ماؤں کے پیار سے زیادہ ہے۔
— محبت کرنا ہے تو اس خدا سے کرو جو تمہاری شہِ رگ سے بھی زیادہ قریب ہے۔
امامہ ایوب۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اعظم گڑھ
الفاظ کی خوشبو
— کوئی چیز خود اچھی یا بری نہیں ہوتی۔ ہماری سوچ کا انداز اسے اچھا یا برا بنادیتا ہے۔
— بے مقصد زندگی سمندر میں ڈولتی ہوئی اس کشتی کی طرح ہے جس کو اپنے ساحل کاعلم نہیں ہوتا۔
— دوسروں کا بھلا کرتے وقت یقین رکھو کہ تم خود اپنا بھلا کررہے ہو۔
— لالچ جسم کو گھلاتا ہے اور روح کو کمزور کرتا ہے۔
شہناز۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کانپور
حکمت کی باتیں
— ایسی بات مت کہو جو مخاطب کی سمجھ سے باہر ہو۔
— کفر کے بعد سب سے بڑا گناہ کسی کی دل آزاری ہے۔
— زندگی کا نام ہی جدوجہد ہے خواہ اس میں انسان ناکام ہو یا کامیاب۔
— بداخلاقی ہزار نیکیوں کو مسخ کردیتی ہے۔
— نصیحت غیبت سے بہتر ہے۔
صفیہ الماس۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ
اقوالِ زریں
— مصائب سے مت گھبراؤ کیوںکہ ستارے اندھیرے میں ہی چمکتے ہیں۔ (لقمان)
— ایک لمحہ کی سچی خوشی بے شمار گھڑیوں کے دکھ کا بدل ہوسکتی ہے۔ (شیخ سعدی)
— زندگی کو غنیمت جانو یہ عنقریب تم سے لے لی جائے گی۔ (مولانا روم)
— وقت خام مسالے کی مانند ہے جس سے آپ جو کچھ چاہیں بنا سکتے ہیں۔ (امام غزالیؒ)
ایمن شاداب۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ
جواہر پارے
— سچی بات اللہ تعالیٰ کو سب سے زیادہ پسند ہے۔
— چغل خور جنت میں نہیں جائے گا۔
— جو وعدہ کا پابند نہیں اس کا کوئی دین نہیں۔
— سچائی ایک ایسا لباس ہے، جو میلا نہیں ہوتا۔
نجیب الرحمن فرزیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکولہ
معلومات
غباروں سے آپ نے بھی کھیلا ہوگا، مگر غباروں کی چین بنانے کی بات کبھی نہیں سوچی ہوگی آپ سوچتے ہوگے کہ یہ غباروں کی چین بنانے والی کیا بات ہے۔
دراصل بہت سے غباروں کو جوڑ کر ایک لمبی چین بنائی جاتی ہے یوں تو آپ نے دس بیس یا سو پچاس غباروں کی چین دیکھی ہوگی۔لیکن سوئٹزرلینڈ کے اسکول کے بچوں نے تو کمال ہی کردیا۔
۱۹؍ستمبر ۲۰۰۳ء کو ان بچوں نے غباروں کی 6586 فٹ اور ساڑھے پانچ انچ لمبی چین بنا ڈالی اس سے قبل کسی نے اتنی لمبی غباروں کی چین نہیں بنائی تھی۔
بچوں کے اس تاریخی کارنامے کو گینزبک آف ورلڈ ریکارڈرس میں درج کرلیا گیا۔
عبدالرحمن عارف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
اقتباس
’’ تم نے دیکھ لیا کہ ایک خدا کی چوکھٹ سے تم نے سرکشی کی اور کس طرح تم سے ساری دنیا سرکش ہوگئی، اور ایک اس کے روٹھنے سے کس طرح تمام دنیا تم سے روٹھ گئی، پس مان جاؤ اور اب بھی باز آجاؤ، گناہوں کو آزماچکے، آؤ تقویٰ اور راست بازی کو بھی آزمالیں، سرکشیوں کو چکھ چکے ، آؤ اطاعت کا بھی مزہ چکھ لیں، غیروں سے رشتہ جوڑ کر تجربہ کرچکے، آؤ اسی ایک سے پھر کیوں نہ جڑ جائیں، جس سے کٹ کر ذلتوں اور خواریوں، ٹھوکروں اور راندگیوں کے سوا کچھ ہاتھ نہ آیا۔‘‘ (مولانا آزادؒ)
نائلہ حبیب ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بریلی