گلدستہ

تین حدیثیں
— مومن مومن کا آئینہ ہے۔
— علم حاصل کرنا ہر مسلمان پر فرض ہے۔
— نماز مومن کی معراج ہے۔
معراج خالد۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سلّر (کشمیر)
حکمت کی باتیں
— علم جنت کے راستوں کا نشان ہے۔
— ہر مشکل انسان کا امتحان لیتی ہے۔
— سچ بولنا نیکی کا راستہ ہے۔ اور نیکی جنت میں لے جاتی ہے۔
— جو انسان خداکے آگے جھکتا ہے خدا اسے کسی کے بھی آگے جھکنے نہیں دیتا۔
مسرت جہاں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بسوا کلیان
ماں
— ماں کے قدموں تلے جنت ہے۔
— ماں کی نافرمانی کبیرہ گناہوں میں سب سے بڑا ہے۔
— ماں کی دعا کامیابی کا راز ہے۔
— ماں کی خوشی دنیا میں باعثِ عزت اور آخرت میں باعثِ نجات ہے۔
— ماں سے بڑی مخلص دنیا میں اور کوئی ذات نہیں۔
خضریٰ فاطمہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بسوا کلیان
انسان کی بڑی غلطیاں
— توبہ کے خیال سے گناہ کرتے رہنا
— اس خیال میں مگن رہنا کہ تندرستی ہمیشہ رہے گی۔
— اپنا راز کسی کو بتاکر پوشیدہ رکھنے کی بات کرنا۔
— دوسروں کے ساتھ برا کرکے نیکی کی امید کرنا۔
— آمدنی سے زیادہ خرچ کرنا۔
— کل کے لیے کاموں کو ٹالتے رہنا۔
شادیہ پروین۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بسوا کلیان
دانائی
— خدا کا خوف دانائی کی بنیاد ہے۔
— دانائی حاصل کرنا چاہتے تو خدا کی کتاب اور بزرگوں سے تعلق جوڑو۔
— دانا وہ ہے جو نہ خود کسی کو دھوکہ دے اور نہ دوسرا اسے دھوکہ دے سکے۔
اسماء انجم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بسوا کلیا ن
اقوالِ زریں
— علم دودھاری تلوار ہے اس کا مناسب استعمال برکت اور نامناسبت استعمال باعثِ ہلاکت ہے۔
— انسان کی عزت دولت سے نہیں ہوتی بلکہ اس کے علم اور شرافت سے ہوتی ہے۔
— زبان کی حفاظت کرنا، دولت کی حفاظت کرنے سے مشکل ہے۔
— اپنی زندگی کو شمع کی طرح بسر کرنا سیکھو جو خود جل کر دوسروں کو روشنی دیتی ہے۔
— بے وقوف کے لیے چپ رہنا سب سے بڑی عقلمندی ہے لیکن اتنی سی بات اگر وہ سمجھ پائے تو بے وقوف کیوںکہلائے؟
ملیکہ عالیہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بسوا کلیان
قول رسول ﷺ
— جوشخص اللہ کی خاطر بندوں کی ناراضی مول لے گا تو بندوں کی طرف سے پہنچنے والی مصیبتوں میں اللہ اس کی پشت پناہی کرے گا اور جو بندوں کو خوش کرنے کے لیے اللہ کی ناراضی مول لے گا تو اللہ اس کو انہی بندوں کے حوالے کردے گا۔‘‘
شاہینہ اختر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہاسن
بے وقوف لکڑ ہارا
ایک لکڑ ہارا اور اس کا بیٹا سارا دن لکڑیاں اکٹھا کرکے گھر جانے لگے تو جنگل میں راستہ بھول گئے۔ بہت تلاش کیا مگر راستہ نہ ملا۔
لکڑ ہارا غصہ میں آکر اپنے بیٹے کو پیٹنے لگا اور بولا: ’’ارے بے وقوف میں راستہ بھول گیا ہوں مگر تو تو گھر جا۔ تیری ماں تیرا انتظار کررہی ہوگی۔‘‘
اویس خالد۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گلبرگہ
دو پہیلیاں
صدیوں سے ہے اک گلزار
پھول ہیں جس کے سدا بہار
٭٭
ایسا گنبد کوئی دکھائے
جس میں ایک جہان سمائے
(جواب: تارے، آنکھ)
نبیلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
ذہانت
ایک بار حضرت علی رضی اللہ عنہ نماز کے لیے جارہے تھے کہ آپؓ کو راستے میں ایک کافر ملا۔ اس نے آپ سے پوچھا: ’’اے علی! یہ تو بتاؤ کہ کون سے جانور انڈے دیتے ہیں اور کون سے بچے؟‘‘
کافر کے اس سوال کا مقصد تھا کہ حضرت علیؓ جانوروں کے نام بتانے لگیں اور ان کی جماعت کا وقت نکل جائے، لیکن حضرت علیؓ نے ذہانت سے کام لے کر جواب دیا: ’’جن جانوروں کے کان اندر ہوتے ہیں وہ انڈے دیتے ہیں اور جن جانوروں کے کان باہر ہوتے ہیں وہ بچے دیتے ہیں۔
محمد عدنان دانش۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ناندیڑ
ماں
کسی نے پوچھا: ماں کیاہے؟ اور کون ہے؟
— سمندر نے کہا: ماں ایک سیپی ہے جو اولاد کے لاکھوں راز اپنے سینے میں چھپالیتی ہے۔
— بادل نے کہا: ماں ایک دھنک ہے، جس میں ہر رنگ نمایاں ہوتا ہے۔
— شاعر نے کہا: ماں ایک ایسی غزل ہے جو ہر سننے والے کے دل میں اترجاتی ہے۔
— مالی نے کہا: ماں باغ کا وہ پھول ہے جس کے دم سے باغ کا سارا حسن قائم رہتا ہے۔
— اولاد نے کہا: ماں ممتا کی وہ داستان ہے جس کا کوئی نعم البدل نہیں ہے۔
— اللہ نے کہا: ماں میری طرف سے قیمتی اور نایاب تحفہ ہے، اس کی قدر کرو۔
عبدالرحمن عارف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی
پاکیزگی کہا ںہوتی ہے؟
دل و دماغ میں ہوتی ہے۔
پھولوں کی معصومیت میں ہوتی ہے۔
پرندوں کی چہچہاہٹ میں ہوتی ہے۔
آسمانوں پر اڑتے ہوئے بادلوں میں ہوتی ہے۔
سورج کی کرنوں میں ہوتی ہے۔
چاند کی چاندنی میں ہوتی ہے۔
شبنم اور بارش کے قطروں میں ہوتی ہے۔
لباس اور جسم میں نہیں، روح میں ہوتی ہے۔
شازیہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بہرائچ