گھریلو ٹوٹکے

٭ ابلے ہوئے دودھ کو گرنے سے بچانے کے لیے، دیگچی کو جس میں دودھ ابالا جائے اس کے کنارے پر تھوڑا سا گھی یا مکھن لگادیں تو ابلتے وقت دودھ نیچے نہیں گرے گا۔

٭ بچوں کے فیڈر کی نپل میں بعض اوقات چکنائی جم جاتی ہے جس کی وجہ سے دودھ پینے میں دشواری ہوتی ہے۔ اس دشواری کا آسان حل یہ ہے کہ نپل میں دو چٹکی نمک ڈال کر دس منٹ تک کے لیے رکھ دیں، بعد میں نیم گرم پانی سے دھوئیں، بالکل صاف پائیں گے۔

٭ دہی جمانے سے پہلے دودھ کو ابال کر اس میں دو ہری مرچ ڈال دیں اور آدھے گھنٹے کے لیے رکھ چھوڑئیے اور پھر دیکھئے دہی جلد اور سخت جمے گا۔

٭ کچن میں کھانا بناتے ہوئے خوشبو اکثر سارے گھر میں پھیل جاتی ہے اس کو روکنے کا طریقہ یہ ہے کہ ایک پیالی سفید سرکہ چولھے کے پاس رکھ دیں خوشبو نہیں پھیلے گی۔

٭ اگر آپ کے فریج میں کسی بھی قسم کی بدبو آتی ہو تو ایک پیالی میں سرکہ ڈال کر فریج میں رکھ دیں۔lll