گلدستہ

حدیث

رسول اللہ ﷺ سے ایک شخص نے سوال کیا کہ اللہ کے نزدیک سب سے زیادہ محبوب عمل کیا ہے، آپ ؐ نے ارشاد فرمایا کہ نماز اپنے وقت میں۔ اس نے پھر دریافت کیا کہ اس کے بعد کون سا عمل سب سے زیادہ محبوب ہے ۔ تو آپؐ نے فرمایا: والدین کے ساتھ اچھا سلوک۔ ( قرطبی)

تمنا مبثور۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔جیراج پور

خاموشی

— خاموشی صداقت کی ماں ہے۔

— خاموشی حقیقی عقل مندی کا جواب ہے۔

— دوسروں کو خاموش کرنے سے پہلے خود خاموش ہوجاؤ۔

— جس شخص کو اپنے اوپر اعتماد نہیں، خاموشی اس کے لیے بہترین ہوتی ہے۔

ذکریٰ پروین۔۔۔۔۔۔۔۔۔۔۔۔۔۔۔۔۔۔۔۔۔۔۔شاہ پور بگھونی

علم

— خدا سے تو اس کے وہی بندے ڈرتے ہیں، جو خدا کے آثار قدرت کا علم رکھتے ہیں۔(قرآن)

— علم عمل کو آواز دیتا ہے، پس اگر وہ جواب دے تو ٹھہرتا ہے ورنہ چلا جاتا ہے۔ (حدیث)

— خوفِ الٰہی علم کے مطابق ہوتا ہے اور خدا سے بے خوفی بقدرِ جہالت (ابوبکرصدیقؓ)

— ضائع ہے وہ علم جس پر عمل نہ کیا جائے۔ (حضرت عثمانؓ)

— علم بے عمل ایک تکلیف اور عمل بغیر اخلاص بے کار ہے۔ (حضرت علیؓ)

— جو شخص کہ علم رکھے اور اس پر عمل نہ کرے وہ ایک بیمار ہے جس کے پاس دوا ہے مگر علاج نہیں کرتا۔ (حکیم اقلیدس)

— جس چیز کا علم نہیں اس کو مت کہو۔(سقراط)

— علم کثرت روایت سے نہیں وہ تو ایک نور ہے جو اللہ تعالیٰ دل میں رکھ دیتا ہے۔

(امام مالکؒ)

— علم دودھاری تلوار ہے اس کا مناسب استعمال برکت اور نامناسب ہلاکت کا باعث ہوتا ہے۔

انجم آرا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دھولیہ

ماں کا حق

رات کو وہ سورہا تھا۔ اس نے خواب میں دیکھا کہ کوئی شخص اس سے کہہ رہا ہے۔ اے شخص کڑاکے کی سردی تھی تو بہت چھوٹا تھا اور ماں کے ساتھ سورہا تھا کہ تو نے بستر پر پیشاب کردیا تیری ماں نے اس کڑاکے کی سردی میں اٹھ کر بستر دھویا غریبی کی وجہ سے گھر میں دوسرا بستر نہیں تھا اس سخت سردی میں گیلے بستر پر تیری ماں لیٹ گئی اور تجھے رات بھر اپنے سینے پر لٹائے رکھا تو کہتا ہے کہ حق ادا ہوگیا۔ ارے نادان ابھی تو اس ایک رات کا بھی حق ادا نہیں کرسکا۔

عطیہ پروین ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مرادآباد

چار چیزیں
— چار چیزوں سے روزی روک دی جاتی ہے۔ صبح کے وقت سونا، نماز سے غفلت، سستی اور خیانت۔
— چار چیزوں سے عقل بڑھتی ہے۔ غیر ضروری باتوں سے بچنا، مسواک کرنا، بزرگوں کی صحبت اختیار کرنا، علماء کی مجلس میں حاضر ہونا۔
— چار چیزیں باہم نفرت اور عداوت کا سبب بنتی ہیں۔ تکبر، حسد، دروغ گوئی اور چغل خوری۔
— چار چیزوں سے چہرہ پُر رونق اور شگفتگی آتی ہے، مروت، وفاداری، جودوسخاوت اور پرہیزگاری
طیبہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کانپور

کیا آپ جانتے ہیں؟
— بھارت کی سب سے زیادہ پھیلی ہوئی ریاست مدھیہ پردیش ہے۔
— جموں کشمیر کی کام کاج کی زبان اردو ہے۔
— آبادی کے لحاظ سے دنیا میں بھارت کا دوسرا نمبر ہے۔
— بھارت کی سب سے بڑی ندی گنگا ہے۔
— بھارت میں شہروں میں رہنے والی آبادی سب سے زیادہ ریاستِ مہاراشٹر میں ہے۔
حافظ اکرام الدین۔۔۔۔۔۔۔۔۔۔۔۔۔۔۔۔۔۔۔۔۔۔وانمباڑی

اچھی صحبت
اچھے آدمیوں کی صحبت آدمی کو اچھا بنادیتی ہے اسی لیے خدا نے فرمایا کہ جو لوگ میری طرف مائل ہیں عبادت کرتے ہیں اور میری بات مانتے ہیں تم بھی ان کی پیروی کرو۔ اور ان کا راستہ اختیا رکرو۔ اچھے اور نیک آدمیوں سے ملنا بھی نیکی اور ثواب کا کام ہے۔ حضور ﷺ نے فرمایا کہ جب کوئی شخص کسی نیک بندے سے ملنے کے لیے چلتا ہے تو ایک پکارنے والا پکارتا ہے تو بھی اچھا ہے اور تیرا چلنا بھی مبارک ہے تو نے اپنا گھر جنت میں بنالیا۔
حکمت کی باتیں
— لوگ نعمتوں کی وجہ سے غفلت میں پڑ کر گناہوں میں مبتلاہوجاتے ہیں۔
— لوگ تعریفوں کی وجہ سے احساس برتری میں مبتلا ہوکر آزمائشوں سے دوچار ہوجاتے ہیں۔
— لوگ اپنے عیوب پر نگاہ نہ ہونے کی وجہ سے اپنے آپ سے دھوکہ کھاجاتے ہیں۔
— جس کے پاس ادب نہیں اس کے پاس علم نہیں ہوتا۔
— جس کو صبر کرنا نہیں آتا اس کا دین کامل نہیں ہوتا۔
— جس کے پاس تقویٰ نہیںوہ کبھی بھی اللہ تعالیٰ کا مقرب نہیں بن سکتا۔
حلیمہ سعدیہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر

——ہر جدا ہونے والا شخص بے وفا نہیں ہوتا اسی طرح ہر قریب رہنے والا شخص اپنا نہیں ہوتا۔
عمارا فاطمہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر