پسندیدہ اشعار

عطار ہو، رومی ہو، رازی ہو ، غزالی ہو

کچھ ہاتھ نہیں آتا بے آہ سحر گاہی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد عاطف، آکوٹ

اب فلم کے نغموں میں ابھرتی ہیں شعاعیں

ہوتے تھے کسی وقت نمازوں میں سویرے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تمناؔ مبثور، جیراجپور

کیا بہو جلانے کا حق تمہیں پہنچتا ہے

اپنے گھر کے آنگن میں بیٹیاں جلا لینا؟

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عفت مبثور، جیراجپور

تم حسن سیرت کا وہ نمونہ بنو کہ دنیا پکار اٹھے

یہ کس چمن کی کلی کھلی ہے،یہ کس گلستاں کا پھول مہکا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔روبینہ اقلیم فلاحی، بدایوں

آزمائشیں اے دل! سخت ہی سہی لیکن

یہ نصیب کیا کم ہے کہ کوئی آزماتا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔آمنہ کونین، وانم باڑی

تقدیر کے قاضی کا یہ فتویٰ ہے ازل سے

ہے جرمِ ضعیفی کی سزا مرگِ مفاجات

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عبیدالرحمن، آکوٹ

نقش ہیں سب ناتمام خونِ جگر کے بغیر

نغمہ ہے سودائے خام خونِ جگر کے بغیر

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عذرا پروین، جالنہ

داور حشر تجھے میری قسم

عمر بھر میں نے عبادت کی ہے

تو میرا نامہ اعمال تو دیکھ

میں نے انساں سے محبت کی ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فریحہ کوثر خواجہ فیروز

خیال خام ہے خواہش کے بل پہ کامراں ہونا

عمل سے دور رہ کر منزلیں پایا نہیں کرتے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نوید الزماں، آکولہ

چاندی کی کتاب جیسا ہے

اس کا چہرہ گلاب جیسا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ذکریٰ پروین

نہ جا ظاہر پرستی پر، اگر کچھ عقل و دانش ہے

چمکتا جو نظر آتا ہے، سب سونا نہیں ہوتا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حمیرا ناصر مرزا، آکولہ

ح حادثات زندگی میں ہے پیامِ زندگی

برق سے کھیلیں گے، طوفانوں سے ٹکرائیں گے ہم

ج جس میں نہ ہو انقلاب، موت ہے وہ زندگی

روحِ امم کی حیات، کشمکشِ انقلاب

ا اس کی تقدیر میں محکومی و مظلومی ہے

قوم جو کر نہ سکی اپنی خودی سے انصاف

ب بتوں سے تجھ کو امیدیں، خدا سے نومیدی

مجھے بتا تو سہی اور کافری کیا ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نبیلہ احسنت، آکولہ