گلدستہ

والدین سے حسنِ سلوک

— اللہ کے رسول ﷺ نے نماز کے بعد والدین سے حسنِ سلوک کو خدا کا پسندیدہ عمل بتایا ہے۔

— ہمیشہ والدین سے دلی محبت کیجیے اور پوری کوشش کیجیے۔

— ماں باپ کی دل و جان سے خدمت کرنی چاہیے اور کبھی بھی ان پر اس کا احسان نہیں جتنا چاہیے۔

— بڑھاپے میں ماں باپ کا سہارا بننا اس قدر فضیلت اور عظمت کا کام ہے کہ اللہ نے ایسے لوگوں کے لیے جنت واجب قرار دی ہے۔

— حدیث ہے کہ جو اولاد اپنے ماں باپ پہ محبت کی ایک نظر ڈالتی ہے اس کے بدلے میں خدا اس کو ایک حج کا ثواب دیتا ہے۔

— ماں باپ اگر غیر مسلم ہیں توبھی ان سے نیک سلوک کا حکم دیا گیا ہے۔ ان کے لیے ہمیشہ دعا کرنی چاہیے۔

فوزیہ نسیم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بھوپال

وقت

— وقت ہمارے پاس اس طرح آتا ہے جیسے کوئی دوست بھیس بدل کر اور تحفے لے کر آتا ہے۔ ہم اس سے فائدہ نہیں اٹھاتے تو وہ چپ چاپ اپنے تحفوں کے ساتھ واپس چلاجاتا ہے۔ (مولانا روم)

— وقت ایسی زمین ہے جس میں محنت کے بغیر کچھ بھی پیدا نہیں ہوتا۔ اگر محنت سے کام لیا جائے تو یہ زمین بہترین پھل دیتی ہے اور اگر بے کار چھوڑ دی جائے تو اس میں خاردار جھاڑیاں اُگ آتی ہیں۔

(افلاطون)

فریدہ نہال۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بابو گڑھ

زندگی کیا؟

— زندگی ایک چیلنج ہے، اسے قبول کرو۔

— زندگی ایک احسان ہے اسے محسوس کرو۔

— زندگی ایک حسین خواب ہے، اس کی تعبیر ڈھونڈو۔

— زندگی ایک فرض ہے، اسے نبھاؤ۔

— زندگی ایک نغمہ ہے، اسے گاؤ۔

— زندگی ایک سفر ہے، اسے طے کرو۔

— زندگی ایک پیار ہے، اسے روح سے محسوس کرو۔

— زندگی ایک خوبصورتی ہے، اس کی دل سے تعریف کرو۔

ثمینہ اقبال۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کلکتہ

مہکتی کلیاں

— محبت ایک پاک جذبہ ہے، جو کسی بھی شکل میں ہر انسان کے دل میں موجود ہوتا ہے۔

— کسی کو اتنا کمزور نہ ہونا چاہیے کہ سامنے والا اسے توڑ کر رکھ دے۔

— ہماری غلطیاں وہ تعلیم دیتی ہیں جو کسی اسکول میں نہیں ملتی۔
— جو زیادہ پوچھتا ہے وہ زیادہ سیکھتا ہے۔
ایس اے صباء۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سمستی پور
قیامت کی نشانیاں
— لوگ امانت میں خیانت کریں گے۔
— رحم لوگوں کے دلوں سے اٹھ جائے گا۔
— کسی طرح لوگوں سے نیکی ظاہر نہیں ہوگی۔
— بہت سے عالم بے عمل ہوجائیں گے۔
— عورتیں اپنے گھروں میں نہیں ٹھہریں گی۔
ندا فردوس وقار احمد…… آکوٹ فائل، آکولہ
دوستی
— بے لوث دوستی ایک اچھا رشتہ ہے۔
— دوستی اس بہتی ہوئی ندی کا نام ہے جو کسی رکاوٹ کو برداشت نہیں کرسکتی۔
— دوست کو دوستی سے پہلے پرکھو ورنہ بعد میں دوستی کے مجرم بن جاؤگے۔
نصرت سلمیٰ ریاض الدین جمعدار۔۔۔۔۔۔۔۔۔بارسی ٹکلی
سچے موتی
— ایک مسلمان دوسرے مسلمان کا بھائی ہے۔ (محمدﷺ)
— زبان پر گلہ اور شکوہ نہ لاؤ۔ راحت کی زندگی نصیب ہوگی۔ (ابوبکر صدیقؓ)
— جو شخص اپنا راز پوشیدہ رکھتا ہے، وہ اپنی سلامتی کو اپنے اختیار میں رکھتا ہے۔ (عمر فاروقؓ)
— مسلمان کی ذلت کا سبب دین سے غفلت ہے، نہ کہ غربت وافلاس۔ (عثمان غنیؓ)
— معاف کردینا ہی بہترین بدلہ ہے۔
(علی مرتضیٰؓ)
تسنیم فاطمہ بنت محمد اقبال ملاَّ۔۔۔۔۔۔۔۔۔۔۔۔۔نئی دہلی
علم کی اہمیت
— علم ایسا لباس ہے جو کبھی پرانا نہیں ہوتا ہے۔
— علم ایک ایسا سفر ہے جس کی کوئی منزل نہیں۔
— علم ایک ایسی خوشبو ہے جو انسان کو ہمیشہ مہکاتی رہتی ہے۔
— علم سے محبت اور استاد کی عزت کے بغیر کچھ حاصل نہیں ہوتا۔
— علم جنت کا راستہ ہے۔
— علم کی قدر کرنے والے کامیاب ہوتے ہیں۔
غزالہ مشتاق ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آکولہ
دوستی کے قابل
— جو دوسروں کے عیب چھپانے والا۔
— جو احسان کرکے بھول جانے والا۔
— عقلمند ہو جو عقل و حکمت کی باتیں بتائے۔
— جو بے غرض ہو۔
— جوکبھی جھوٹ نہ بولتا ہو۔
— ماں باپ کا فرماں بردار ہو۔
انجم ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ میاں گنج، اناؤ
پسندیدہ اشعار
لوگ چن لیں جس کی تحریریں حوالوں کے لیے
زندگی کی وہ کتابِ معتبر بن جائیے
دھوپ کے ماروں کو جس کی چھاؤں میں راحت ملے
ریگزارِ زندگی میں وہ شجر ہوجائیے
(ابوالمجاہد زاہدؔ)
نائلہ خالد ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی