پسندیدہ اشعار

چپ رہنا بھی ہے ظلم کی تائید میں شامل

حق بات کہو جرأتِ اظہار نہ بیچو

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔ملا بصیرت بازغہ، ہبلی

جب کبھی حق پہ آنچ آتی ہے

ہم نیا امتحان دیتے ہیں

خود مٹاتے ہیں اپنی ہستی کو

ہم مجاہد ہیں جان دیتے ہیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔ملا فراست فصیح، ہبلی

حق و انصاف کی بے خوف حمایت کی ہے

یہ بغاوت ہے؟ تو ہاں ہم نے بغاوت کی ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔صبیحہ کوثر، ارے ہلّی

مرجھائے ہوئے پھول کی تقدیر ہوں لیکن

چبھ جائے کسی دل میں وہ کانٹا تو نہیں ہوں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حامدہ ناصر، بلڈانہ

زخمی ہیں میرے ہاتھ تو کیا سوچ رہے ہو

کیا تم نے کسی پھول کو چھوکر نہیں دیکھا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔آمنہ انصاری، زیبا باغ

نہ دھوکہ کھاؤ، پھولوں کا تبسم دیکھنے والو

کبھی گلشن میں اس انداز سے ماتم بھی ہوتے ہیں

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آمنہ انصاری، للیانہ

پھول لاکھوں برس نہیں رہتے

دو گھڑی اور ہے بہار شباب

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مومنہ، مرادآباد

پھولوں کا بکھرنا تو مقدر ہی تھا لیکن

کچھ اس میں ہواؤں کی سیاست بھی بہت ہے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عمرانہ ملک

وہ شاخ گل پر رہیں یا کسی کی میت پر

چمن کے پھول تو عادی ہیں مسکرانے کے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مہر جبیں، اناؤ

غنچوں کے مسکرانے پر کہتے ہیں ہنس کے پھول

اپنا کرو خیال ہماری تو کٹ گئی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نائلہ جبیں، اناؤ

مدتوں پھول سمجھتی رہی ان کو دنیا

ہم نے تو زخم بھی رکھے ہیں سجا کر کتنے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد محسن، میرٹھ

خوشبو ہی سے دیتے ہیں پیغام وہ جینے کا

الفاظ نہیں ہوتے پھولوں کی زبانوں میں

مرسلہ۔۔۔۔۔۔۔۔۔۔۔۔۔۔۔۔۔۔۔۔نکہت فاطمہ، راجہ کا تاجپور

باغ میں کون آگیا ہے حبیب

ہنستے پھولوں کی بے کلی دیکھو

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حبیبہ، شکر گنج

بالیقین اس کے لیے ہے زندگی پھولوں کی سیج

جس پہ افشا ہوگئے رمزِ وصالِ زندگی

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وحیدہ قمر، دھنباد

مرجھا چکے ہیں پھول تیری یاد کے مگر

محسوس ہورہی ہے عجب تازگی مجھے

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔سمیہ شفق، ماندے والی

پھولوں کے تو قابل نہیں شاید میرا دامن

اے صاحبِ گلشن اسے کانٹوں ہی سے بھردے

مرسلہ۔۔۔۔۔۔۔۔۔۔۔۔۔۔۔۔۔۔۔۔سیدہ اسری رابیعہ، میدک

نہ تو غم کی دھوپ جلا سکی نہ ہی موسموں کا اثر ہوا

وہ میری وفا کا ہی پھول ہے جو ابھی تلک ہے کھلا ہوا

مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نغمہ روحی، عادل آباد