گلدستہ

اقوالِ رسول اللّٰہ ﷺ

— جس شخص سے اس کا پڑوسی محفوظ نہیں وہ ایمان کی دولت سے محروم ہے۔

— بدگمانی سے بچو کیونکہ یہ سب سے بڑا گناہ ہے۔

— جس میں امانت داری نہیں اس کا ایمان نہیں جس میں عہد کا پاس نہیں اس کا دین نہیں۔

مومنہ کمال۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نظام آباد

حسنِ کلام

لوگوں سے اچھی زبان میں بات کرو کیونکہ:

— شیریں کلامی انسانیت کا حسن ہے۔

— نرمی سے بات کرنا دلوں کو جیت لیتا ہے۔

— اچھی گفتگو مہذب آدمی کی پہچان ہے۔

— انسان اپنی گفتگو سے پہچانا جاتا ہے۔

جمال آرا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سنگا ریڈی

منافق کی نشانیاں

حضرت ابوہریرہ سے روایت ہے کہ رسول اللہ ﷺ نے فرمایا کہ:منافق کی تین نشانیاں ہیں:

— باتوں میں جھوٹ بولے۔

— وعدہ خلافی کرے۔

— امانت میں خیانت کرے۔

جنت نشاں۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مراد نگر

زندگی کا راز

— لوگوں سے اس طرح میل جول رکھو کہ اگر مرجاؤ تو وہ روئیں۔

— اور اگر زندہ رہو تو سب تم پر فریفتہ اور تمہارے عاشق رہیں۔ (حضرت علیؓ)

سامیہ افضال۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی

معلومات

— دنیا کی پہلی خاتون وزیر اعظم – بندرا نائکے (سری لنکا)

— دنیا کی پہلی خاتون صدر – ازبیلا پیرون (ارجنٹینا)

— دنیا کی پہلی خاتون پروفیسر – مادام کیوری

— پہلا نوبل انعام حاصل کرنے والی خاتون – مادام کیوری

— ہندوستان کی پہلی مسلم خاتون جج- فاطمہ بی بی، کرلہ ہائی کورٹ

نصرت علی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وکرم پور

سنہرا قول

خدا کی اس کھلی امتحان گاہ میں کافر، مومن، منافق، گناہ گار اور مطیع سبھی ہمیشہ اپنا امتحان دیتے رہے ہیں اور آج بھی دے رہے ہیں۔ اس میں فیصلہ کن چیز کوئی زبانی دعویٰ نہیں بلکہ عملی کردار ہے۔ اور اس کا نتیجہ بھی مردم شماری کے رجسٹر دیکھ کر نہیں بلکہ ہر شخص، ہر گروہ اور ہر قوم کا کردار دیکھ کر ہوگا۔

(سید ابوالاعلیٰ مودودیؒ)

نبیلہ کوثر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نئی دہلی

اقوال زریں

— قسمت وہ بازار ہے جہاں جدوجہد چیزوں کی قیمت بڑھا دیتی ہے اور کاہلی اسے گھٹا دیتی ہے۔

— ٹھوکر کے بغیر کوئی بردبار نہیں اور تجربہ کے بغیر کوئی دانا نہیں ہوتا۔

— غیرت اور خودداری کھودینے کے بعد انسان کے پاس کچھ باقی نہیں رہتا۔

— زندگی کے آدھے غم انسان دوسروں سے امیدیں وابستہ کرکے خریدتا ہے۔

ثمرین فردوس ۔۔۔۔۔۔۔۔۔۔۔۔۔۔۔۔۔۔۔۔۔۔۔کالی دولت خاں

جنت کے حق دار

تین لوگ جنت میں ضرور جائیں گے:

— وہ حاکم جو عادل، سخی اور نرم مزاج ہو۔

— وہ شخص جو رشتہ داروں کے ساتھ مہربانی اور شفقت سے پیش آتا ہو۔

— وہ مسلمان جو عیال دار اور پاک دامن ہو۔

واصف کمال۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عادل آباد

علم اور عمل

جس شخص کے پاس علم بہت سا ہو اس کی مثال اس سپاہی کی ہے جس کے پاس بہت سے ہتھیار ہوں، اسے راہ میں دشمن ملے لیکن وہ ان ہتھیاروں کا استعمال نہیں کرتا تو کیا وہ دشمن پر غالب ہوگا۔ یہ علوم بمنزلہ ہتھیاروں کے ہیں، شیطان کے دفع کرنے کے۔ ہتھیار بھی کیسے، بلا لائسنس کے۔ مگر صرف ہتھیاروں کے لگانے سے خوش نہ ہونا چاہیے۔ (مولانا اشرف علی تھانویؒ)

زرینہ حیدر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کانپور