گلدستہ

پڑوسی کا حق
نبی ﷺ نے فرمایا: خدا کی قسم وہ ایمان نہیں رکھتا۔ پوچھا گیا: اے اللہ کے رسول! کون ایمان نہیں رکھتا؟
فرمایا: وہ شخص جس کا پڑوسی اس کی تکلیفوں سے محفوظ نہ رہے۔
حضرت عائشہؓ فرماتی ہیں کہ میں نے رسول ؐ سے پوچھا کہ میرے دو پڑوسی ہیں۔ تو ان میں سے کس کے یہاں ہدیہ بھیجوں؟ آپؐ نے فرمایا اس پڑوسی کے یہاں جس کا دروازہ تیرے دروازے سے زیادہ قریب ہو۔
زینب علاء الدین فلاحی۔۔۔۔۔۔۔بلریاگنج اعظم گڑھ
اتحاد
— ہر چیز کی ایک قیمت ہوتی ہے اور اتحاد کی بھی ایک قیمت ہے۔ یہ قیمت ہے خلافِ طبیعت باتوں کو برداشت کرنا۔ بے صبری ہی اتحاد کی راہ میں سب سے بڑی رکاوٹ ہے۔
نازیہ بیگم۔۔۔۔۔۔۔۔۔۔۔۔۔۔۔۔۔۔۔۔۔۔۔۔مکرم پورہ، کریم نگر
معلومات
— ہندوستان کا پہلا کالج فورٹ ولیم کالج کلکتہ ہے۔
— ہندوستان کے علاوہ جنوبی کوریا اپنی آزادی کا دن ۱۵؍اگست کو مناتا ہے۔
— ہندوستان کے وزیر اعظم مرارجی ڈیسائی کا جنم دن چار سال بعد (۲۹؍فروری کو) آتا ہے۔
— لال بہادر شاستری کی موت روس میں ہوئی تھی۔
— اسپین میں آج بھی ایک اخبار کپڑے پر شائع ہوتا ہے۔
— دنیا کا سب سے بڑا شہر نیویارک ہے۔
— ناروے میں کچھ دیر کے لیے رات کے ۱۲ بجے سورج ظاہر ہوتا ہے۔
امامہ ایوب۔۔۔۔۔۔۔۔۔۔۔۔۔۔۔۔۔۔۔بلریا گنج، اعظم گڑھ
حکمت کے موتی
— باوضو سویا کرو۔
— وعدہ قرض کے برابر ہے۔
— امانت داری عزت کا سبب ہے۔
— سچ بات کہو، اگرچہ وہ کڑوی لگے۔
— زیادہ ہنسی دل کو مردہ کردیتی ہے۔
سائمہ خان۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ناگپور
احادیث
— میری باتیں دوسروں تک پہنچا دو اگرچہ ایک ہی بات ہو۔
— صبح کے وقت کا سونا رزق کو روکتا ہے۔
— بات کرنے سے پہلے سلام کیا کرو۔
— پاکی آدھا ایمان ہے۔
صدف۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بیدر، کرناٹک
علم و عمل
— تمام خوبیوں کا مجموعہ علم سیکھنا، اس پر عمل کرنا پھر اوروں کو سکھانا ہے۔

— تیرا عمل تیرے علم کی دلیل ہے۔ تیرا ظاہر تیرے باطن کی علامت ہے۔
— اے عمل کرنے والو! خلاص پیدا کرو، ورنہ فضول مشقت ہے۔
— قول بے عمل اور عمل بے اخلاص ناقابل قبول ہیں۔
ثمرین فردوس ۔۔۔۔۔۔۔۔۔۔۔۔۔۔۔۔۔۔۔۔۔۔۔کالی دولت خاں
روشنی
— سونے کی آزمائش آگ میں ہوتی ہے۔ اور بہادر لوگوں کی مشکلات میں۔
— جو ایک لمحے کے لیے غصہ پی جائے وہ المناک دن سے خود کو محفوظ رکھتا ہے۔
— دنیا عاقل کی موت اور جاہل کی زندگی پر روتی ہے۔
مرزا عاصم بیگ۔۔۔۔۔۔۔۔۔۔۔۔۔۔۔۔۔۔۔۔۔۔کالی دولت خاں
اقول علماء
— خدمت سے خوش قسمتی حاصل ہوتی ہے۔
(شیخ سعدیؒ)
— وہ آدمی جو اپنے آپ کو عالم کہے وہ جاہل ہے۔ اور جو کوئی اپنے آپ کو جنتی بتائے وہ دوزخی ہے۔ (حضرت عمرؓ)
— تو جنت طلب نہ کر بلکہ ایسی چیز طلب کر کہ خود جنت تیری طالب ہو۔ اور تو دوزخ سے نہ بھاگ بلکہ ایسی چیز سے بھاگ جس کی وجہ سے دوزخ قریب آتی ہے۔
(حضرت واسطیؒ)
ثمرین فردوس۔۔۔۔۔۔۔۔۔۔۔۔۔۔۔۔۔۔۔۔۔۔۔۔کالی دولت خان
حقیقت کی دنیا
— انسان زمین پر گر کر اٹھ سکتا ہے لیکن نظروں سے گر کر نہیں۔
— گئی ہوئی صحت واپس آسکتی ہے لیکن گئی ہوئی عزت واپس نہیں آتی۔
— جاہل مال کا طالب ہوتا ہے اور عالم علم کا۔
— طوفان کے سامنے چٹان بنے رہو تاکہ وہ اپنا رخ موڑنے پر مجبور ہوجائے۔
— ہر ایک سے خندہ پیشانی سے ملو نہ جانے کس روپ میں خدا مل جائے۔
— اگر روزی عقل سے حاصل کی جاتی تو دنیا کے تمام جانور مرجاتے۔
معراج الدین۔۔۔۔۔۔۔۔۔۔۔۔۔۔۔سلر، پہل گام، کشمیر
اقتباس
’’جو لوگ اپنا کوئی اصول، کوئی مقصد حیات، کوئی نصب العین نہ رکھتے ہوں جو بلند مقصد کے لیے قربانی دینے کا حوصلہ نہ رکھتے ہوں، جن کو دنیا میں محض آسائش اور سہولت ہی مطلوب ہو، جو ہر سانچے میں ڈھل جانے اور ہر دباؤ میں دب جانے والے ہوں ایسے لوگوں کا کوئی قابل ذکر کارنامہ دنیا میں نہیں پایا جاتا۔‘‘ (سید ابوالاعلیٰ مودودیؒ)
سمیرہ ترن۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کریم نگر
ایک قول
رونا اور مصیبت دونوں نعمت ہیں کہ اس میں بندے کا افتقار (محتاجی) ظاہر ہوتا ہے۔ پس جو نہ روئے اور ضبط کرکے پتھر سا بنا رہے اس نے مراد حق کو پورا نہ کیا۔‘‘
(مولانا اشرف علی تھانویؒ)
رفیدہ ناز۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کریم نگر