پسندیدہ اشعار

تھمے کیا دیدئہ گریاں وطن کی نوحہ خوانی میں
عبادت چشمِ شاعر کی ہے ہر دم با وضو رہنا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد زبیر، سکرور
اگرچہ بحر کی موجوں میں ہے مقام اس کا
صفائے پاکیٔ طینت سے ہے گہر کا وضو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محسنہ جمال، بھدراوتی
تر دامنی پہ شیخ ہماری نہ جائیو
دامن نچوڑ دیں تو فرشتے وضو کریں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خالد محمود، بھوپال
مری نمازِ جنازہ پڑھائی غیروں نے
مرے تھے جن کے لیے وہ رہے وضو کرتے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بانو علیم، چھتے پور
کیا پھولوں نے شبنم سے وضو صحنِ گلستاں میں
صدائے نغمۂ بلبل اٹھی بانگِ اذاں ہوکر
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ناصر کلیم، غازی آباد
نہ تن میں خون فراہم نہ اشک آنکھوں میں
نمازِ عشق تو واحب ہے، بے وضو ہی سہی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد حسن، بساط پور
سراپا جرم ہوں لیکن وہ رندِ پاک طینت ہوں
کیا زاہد نے میرے آبِ خجلت سے وضو برسوں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔حبیب الرحمن، ہری پور
کس کے در پر گیا ہے پروانہ
شمع کی روشنی سے کرکے وضو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔عبدالمبین، ممبئی
پھولوں کو آئے جس دم شبنم وضو کرانے
رونا میرا وضو ہو، نالہ مری دعا ہو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمد شفیع شیخ، اورنگ آباد
سبزہ ہے کنارِ آبجو پر
یا خضر ہے مستعد وضو پر
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔قاسم عبدالکریم، ٹونک
تجھ کو سجدہ کرے گی مری ہر نظر
میرے ذوقِ نظر کا وضو بن کے آ
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔امین آثم، سدوال کلاں
داغِ سجدہ لیے جبینوں پر
نکلے مسجد سے باوضو پتھر
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ماریہ تسنیم، رام نگر
کاش پھر دل کو عبادت کا ہو ذوق
کاش تیری آنکھ ہو پھر با وضو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گلناز شیخ، ہبلی
ضرب پیہم سے بنے سنگ نہ کیوں آئینہ رُو
کرتے ہیں اشک سحر گاہ سے ہم لوگ وضو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نبیلہ کوثر، دہلی