پسندیدہ اشعار

تمازت کتنی ہے، کتنی حرات، کتنی شدت ہے
تجھے اے چڑھتے سورج ہم بہ وقت شام دیکھیں گے
مرسلہ۔۔۔۔۔۔۔۔۔۔۔۔۔۔۔۔۔۔مدیحہ عبید بن شہاب، اورنگ آباد
عمر بھر مہمان بن کر میں یہاں شاید رہا
نام کی تختی مری تھی یہ مکاں میرا نہ تھا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فردوس فاطمہ، سیلو
بڑی حسین ہے پرکیف ہے لطیف بھی ہے
یہ زندگی بڑی دلکش ہے پائیدار نہیں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محمودہ نواز، ہبلی
جلتے ہوئے مکانوں کے منظر بتائیں گے
کیا بات تھی کہ روٹھ گئے زندگی سے ہم
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وحید اختر، ڈھری آن سون
اے اہلِ نظر ذوق نظر خوب ہے لیکن
جو شئے کی حقیقت کو نہ جانے وہ نظر کیا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واصف اقبال، سہدیو
ہیں برسرِ پیکار اندھیروں سے اجالے
گھبراؤ نہیں صبح کے آثار بہت ہیں
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مستفیض الرحمن، سہارنپور
جب کبھی اپنی رہائی کے لیے تڑپے اسیر
اور اونچی خود بہ خود دیوار زنداں ہوگئی
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔زبیدہ اختر،رامپور
آنکھ کی جھیل بھری دل کا سمندر ابلا
اور مرے ہونٹ رہے حسرت اظہار میں گم
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔سعیدہ خاتون، نوگانواں
تضاد قول و عمل کے حصار باطل میں
اصول قید ہیں ادراک و آگہی چپ ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وسیم اختر، مرابادآباد
مفہومِ حیات آئے سمجھ میں بھی تو کیا آئے
جینے کی وہ حسرت ہے کہ ہم مر نہیں سکتے
وہ کون سا عقدہ ہے جو وا ہو نہیں سکتا
کیا کام ہے جو اہلِ نظر کر نہیں سکتے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شمشیر اظہر، میسور
شہد کے چھتے میں پتھر نہیں مارو صاحب
متحد قوم کا لشکر ہے بھڑک جائے گا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔انصاری لئیق احمد، پربھنی
لوٹ کر آجائیں شاید کہ کبھی بچھڑے ہوئے
واپسی کا راستہ کوئی کھلا رکھا کرو
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اقبال انصاری، پربھنی
بلندی دیر تک کس شخص کے حصے میں رہتی ہے
بہت اونچی عمارت ہر گھڑی خطرے میں رہتی ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ملاَّ فراست فصیح، ہبلی
یہاں معصوم ہونا ظلم کو آواز دینا ہے
جہاں بھی ہو مکان شیشے کا پتھر جاگ اٹھتا ہے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شہناز، کانپور
زندگی سے کچھ نہ دینے کی شکایت کیا کروں
سوچتا ہوں میں نے خود بھی زندگی کو کیا دیا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔خنساء سبحانی، جامعۃ الفلاح
کبھی بھول کر کسی سے نہ کرو سلوک ایسا
کہ جو تم سے کوئی کرتا تمہیں ناگوار ہوتا
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شاکرہ نیر، جامعۃ الفلاح
یوں چمکئے زینتِ کوہ و دمن بن جائیے
یوں ابھرئیے صبح کی پہلی کرن بن جائیے
مرسلہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فرح شاہد، جامعۃ الفلاح