دہر میں مظہر خدا صل علیٰ محمدٍ

شافع روز ابتلا صل علیٰ محمدٍ

آپ کی ذات سے ملی انسانیت کو زندگی

آپ ہی سب کے رہ نماصل علیٰ محمدٍ

خیر الامم، خیر البشر، پیکرِ رحمت و عفو

آپ امام الانبیاء صل علیٰ محمدٍ

دونوں جہاں ہیں آپ سے آپ ہی وجہ کائنات

آپ حبیب کبریا صل علیٰ محمدٍ

آپ کے نقش پا سے ہے راہِ وفا میں روشنی

آپ ہمارے رہ نما صل علیٰ محمدٍ

آپ کے نام سے سجی بزم سخن یہ سیدی

ہے کتنی خوب تر فضا صل علیٰ محمدٍ

ذکر میں ذات حق بھی ہے پڑھتی ہے ساری کائنات

ورد زباں رہے سدا صل علیٰ محمدٍ

مولا بروزِ حشر بھی ہم ہوں انہیں کے ساتھ ساتھ

جو ہیں ہمارے مصطفی صل علیٰ محمدٍ

آپ کی بارگاہ میں آئے رفیقی کو قضا

مولانا قبول کر دعا صل علیٰ محمدٍ

شیئر کیجیے
Default image
اسّان غنی مشتاق احمد رفیقی